ബുദ്ധിമുട്ടിലാകുന്ന ജീവനക്കാര്‍ക്ക് വേണ്ടി മൊറട്ടോറിയം! ശമ്പളം പിടിക്കല്‍ തീരുമാനത്തില്‍ വലഞ്ഞ ജീവനക്കാര്‍ക്ക് ആശ്വാസ തീരുമാനവുമായി പിണറായി സര്‍ക്കാര്‍
ശമ്പളം പിടിക്കല്‍ തീരുമാനത്തില്‍ വലഞ്ഞ ജീവനക്കാര്‍ക്ക് ആശ്വാസ തീരുമാനവുമായി പിണറായി സര്‍ക്കാര്‍. മാസം ആറു ദിവസത്തെ ശമ്ബളം മാറ്റിവെയ്ക്കപ്പെടുമ്ബോള്‍ ബുദ്ധിമുട്ടിലാകുന്ന ജീവനക്കാര്‍ക്ക് വേണ്ടി മൊറട്ടോറിയം ഇറക്കാനാണ് സര്‍ക്കാര്‍ തീരുമാനിച്ചിരിക്കുന്നത്. സര്‍ക്കാരില്‍ നിന്ന് എടുത്തിട്ടുള്ള വായ്പക്കും മുന്‍കൂറിനും പിഎഫ് തിരിച്ചടവിനും ആഗസ്റ്റ് വരെ സാവകാശം നല്‍കി. മാറ്റിവെയ്ക്കപ്പെടുന്ന തിരിച്ചടവ് 10 തുല്യതവണകാളായി സെപ്റ്റംബര്‍ മുതല്‍ അടുത്ത ജൂണ്‍ വരെയുള്ള ശമ്ബളത്തില്‍ നിന്ന് ഈടാക്കും.
ആനകൂല്യം വേണ്ട ജീവനക്കാര്‍ ഡിഡിഒക്ക് അപേക്ഷ സമര്‍പ്പിക്കണം. ആറുദിവസത്തെ ശമ്ബളം പിടിക്കാന്‍ ബുദ്ധമുട്ട് നേരിടുകയാണങ്കില്‍പി എഫിലേക്ക് അടക്കേണ്ട തുക അടിസ്ഥാന ശമ്ബളത്തിന്‍െ ആറുശതമാനമാക്കി നിജപ്പെടുത്താനും ധനവകുപ്പ് ഉത്തരവിട്ടു. അതേസമയം, പുതിയ ഓര്‍ഡിനന്‍സ് പ്രകാരം സര്‍ക്കാര്‍ ജീവനക്കാരുടെയും അധ്യാപകരുടെയും ശമ്ബളവിതരണത്തിന് നടപടി തുടങ്ങി. വിതരണം തുടങ്ങുന്ന നാലാംതീയതി തന്നെ ആരോഗ്യവകുപ്പ് ജീവനക്കാര്‍ക്കും ശമ്ബളം നല്‍കും. ഹൈക്കോടതി ജഡ്ജിമാരുടെ ആറുദിവസത്തെ ശമ്ബളം പിടിക്കാതിരിക്കാന്‍ ശമ്ബളവിതരണ സോഫ്റ്റ് വെയറില്‍ മാറ്റം വരുത്തും.
രണ്ടു ദിവസം മുൻപാണ് സര്‍ക്കാര്‍ ജീവനക്കാരുടെ ശമ്ബളം പിടിക്കാന്‍ സംസ്ഥാന സര്‍ക്കാര്‍ കൊണ്ടുവന്ന ഓര്‍ഡിനന്‍സില്‍ ഗവര്‍ണര്‍ ആരിഫ് മുഹമ്മദ് ഖാന്‍ ഒപ്പുവച്ചത് . അഞ്ചു മാസക്കാലത്തേക്ക് ആറു ദിവസത്തെ വീതം ശമ്ബളം പിടിക്കാനാണ് ഓര്‍ഡിനന്‍സ്. ഡിസാസ്റ്റര്‍ ആന്‍റ് പബ്ലിക് ഹെല്‍ത്ത് എമര്‍ജന്‍സീസ് സ്പെഷ്യല്‍ പ്രൊവിഷന്‍ എന്ന പേരിലാണ് ഓര്‍ഡിനന്‍സ്.
ശമ്ബളം പിടിക്കാനുള്ള ധനവകുപ്പിന്റെ ഉത്തരവിന് ഹൈക്കോടതി സ്‌റ്റേ വന്നതോടെയാണ് ഓര്‍ഡിനന്‍സ് ഇറക്കാന്‍ മന്ത്രിസഭ തീരുമാനിച്ചത്. മാറ്റിവയ്ക്കുന്ന തുക എപ്പോള്‍ തിരിച്ചുകൊടുക്കണമെന്ന് ആറു മാസത്തിനകം പറഞ്ഞാല്‍ മതിയെന്ന വ്യവസ്ഥയാണ് ഓര്‍ഡിനന്‍സില്‍ പ്രധാനമായുള്ളത്.
https://www.facebook.com/Malayalivartha
