വൈക്കത്ത് നഗരസഭ കായലോര ബീച്ചില്‍ ആരുമില്ല. ഒരു മാസം മുന്‍പ് കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി കവാടങ്ങള്‍ അടഞ്ഞതോടെ ബീച്ചില്‍ ആളനക്കം ഇല്ലാതായി.

ചാരുബെഞ്ചുകളും മറ്റ് ഇരിപ്പിട സൗകര്യങ്ങളെല്ലാം പൊടി പിടിച്ചു കിടക്കുന്നു.

നഗരസഭയുടെ കായലോര ബീച്ച് കുട്ടികള്‍ക്ക് ഹരമായിരുന്നു. ഇപ്പോള്‍ മൈതാനത്ത് പുല്ലു വളര്‍ന്നു തുടങ്ങി. 

സ്‌കൂള്‍ അടച്ചു കഴിഞ്ഞാല്‍ വേമ്പനാട്ടു കായലിന്റെ ഓളപ്പരപ്പില്‍ നിന്നു വൈകുന്നേരങ്ങളില്‍ വീശിയടിക്കുന്ന ഇളംകാറ്റേല്‍ക്കാന്‍ കുട്ടികളുമായി രക്ഷാകര്‍ത്താക്കള്‍ ബീച്ചില്‍ വന്നു പോകുന്നത് പതിവ് കാഴ്ചയായിരുന്നു.

ലഘു ഭക്ഷണവും ഐസ്‌ക്രീമും ചൂടപ്പം പോലെ വിറ്റഴിയുന്ന സമയമായിരുന്നു ഏപ്രില്‍, മേയ് മാസങ്ങള്‍. എന്നാല്‍ കോവിഡ് ഇക്കുറി ഇതെല്ലാം ഇല്ലാതെയാക്കി.