വീടുകളുടെ ജനല്‍ ചില്ലുകള്‍ തകര്‍ത്ത് സ്ത്രീകളുടെ മുന്നില്‍ നഗ്നത പ്രദര്‍ശനമായിരുന്നു ഇഷ്ട വിനോദം... വനിതാ ഹോസ്റ്റലുകളിൽ കയറി പെണ്‍കുട്ടികളെ പീഡിപ്പിക്കാനും ശ്രമം നടത്തും... പീഡനക്കേസില്‍ അകത്തായിരുന്ന യുവാവിന് പുറത്തിറങ്ങാൻ അവസരമായത് കോവിഡ്! വിവസ്ത്രനായി നഗരത്തില്‍ രാത്രികാലങ്ങളില്‍ കറങ്ങി നടപ്പും ബ്ലാക്ക്മാനായി അഭിനയിച്ച് കാണിക്കുന്നത് മറ്റൊന്ന്... കോഴിക്കോട് നഗരത്തെ പരിഭ്രാന്തിയിലാക്കിയ ബ്ലാക്മാൻ കുടുങ്ങിയപ്പോൾ പുറത്ത് വരുന്നത്...
കോഴിക്കോട് നഗരത്തെ പരിഭ്രാന്തിയിലാക്കിയ ബ്ലാക്മാൻ കുടുങ്ങി. നഗരത്തില്‍ ബ്ലാക്ക്മാനായി വിലസിയ പ്രതി പിടിയിലായതോടെ നാട്ടുകാരും ഞെട്ടി. കണ്ണൂര്‍ സ്വദേശിയായ അജ്മല്‍ എന്നയാളാണ് പോലീസിന്റെ വലയില്‍ കുരുങ്ങിയത്.
ഇന്നലെ പുലര്‍ച്ചെ നഗരത്തിലെ ഒരു ഷോപ്പിംഗ് കോംപ്ലക്‌സിന്റെ പരിസരത്ത് നിന്നുമാണ് പ്രതി പിടിയിലായത്. സിസിടിവി ദൃശ്യങ്ങളാണ് അജ്മലിനെ കുടുക്കിയത്. കസബ പോലീസ് ഇയാളെ കസ്റ്റഡിയില്‍ എടുത്തു. കണ്ണൂര്‍ സ്വദേശിയാണ് പ്രതി. നഗരത്തില്‍ പലയിടങ്ങളിലായ നടന്ന് വീടുകളുടെ ജനല്‍ ചില്ലുകള്‍ തകര്‍ക്കുകയും സ്ത്രീകളുടെ മുന്നില്‍ നഗ്നത പ്രദര്‍ശിപ്പിക്കുകയും ചെയ്യുന്നതായിരുന്നു ഇയാളുടെ വിനോദം.
വനിതാ ഹോസ്റ്റലുകളിലും മറ്റും ഇയാള്‍ എത്തി പെണ്‍കുട്ടികളെ പീഡിപ്പിക്കാനും ശ്രമിച്ചതായി പരാതിയുണ്ട്. ഒരു പീഡനക്കേസില്‍ ശിക്ഷിക്കപ്പെട്ട് ജയിലിലായിരുന്ന പ്രതി കോവിഡിന്റെ ഇളവില്‍ പുറത്തിറങ്ങിയതാണ്. നഗരത്തില്‍ ബ്ലാക്ക്മാന്‍ എന്നപേരിലാണ് ഇയാള്‍ അറിയപ്പെട്ടത്. വിവസ്ത്രനായി നഗരത്തില്‍ രാത്രികാലങ്ങളില്‍ ഇറങ്ങും.
ഇത്തരത്തില്‍ നഗരത്തിലെ ഒരു നഴ്‌സിന് നേരെ ഉണ്ടായ ലൈംഗികഅതിക്രമത്തിന് ഇയാളുടെ പേരില്‍ കേസുമുണ്ട്. പിടിയിലാകുമ്ബോള്‍ ഇയാളുടെ പക്കല്‍ 25 മൊബൈല്‍ ഫോണുകളും സ്വര്‍ണ്ണാഭരണങ്ങളും ഉണ്ടായിരുന്നു. കസബ സി.ഐ ബിനു തോമസ്, എസ്.ഐ സിജിത്ത് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
https://www.facebook.com/Malayalivartha
