20,000 ടണ് ഡീസല് നദിയിലേക്ക്; മോസ്കോന്മ സൈബീരിയയില് അടിയന്തരാവസ്ഥ പ്രഖ്യാപിച്ച് റഷ്യന് പ്രസിഡന്റ് വ്ളാഡിമിര് പുടിന്
മോസ്കോന്മ സൈബീരിയയില് അടിയന്തരാവസ്ഥ പ്രഖ്യാപിച്ച് റഷ്യന് പ്രസിഡന്റ് വ്ളാഡിമിര് പുടിന്. എണ്ണ ഉല്പ്പാദന കേന്ദ്രത്തില്നിന്ന് 20,000 ടണ്ണോളം ഡീസല് സമീപത്തെ നദിയിലേക്കു ചോര്ന്നതിനെ തുടര്ന്നാണിത്. വെള്ളിയാഴ്ചയാണ് മോസ്കോയ്ക്ക് 2900 കിലോമീറ്റര് വടക്കു കിഴക്ക് നൊറില്സ്ക് നഗരത്തിലെ പവര് പ്ലാന്റില് ചോര്ച്ചയുണ്ടായത്.
അംബര്നയ നദിയിലേക്കു ഡീസല് ഒഴുകുന്നത് തടയാന് ശ്രമിച്ചെങ്കിലും കാര്യങ്ങള് കൈവിട്ടുപോകുകയായിരുന്നു. ഈ നദിയില്നിന്നുള്ള വെള്ളമെടുത്ത് ഒഴുകുന്ന പുഴയാണ് പരിസ്ഥിതി ദുര്ബലമായ ആര്ട്ടിക് സമുദ്രത്തിലേക്കു നീളുന്ന മറ്റൊരു നദിയിലെത്തുന്നത്. അതിനാല്ത്തന്നെ സ്ഥിതി അതീവ ഗുരുതരമാണെന്നാണ് വിലയിരുത്തപ്പെടുന്നത്. നൊറില്സ്ക് നിക്കലിന്റെ ഒരു ഡിവിഷനുകീഴിലാണ് ഈ പ്ലാന്റ് പ്രവര്ത്തിക്കുന്നത്. ലോകത്തെ ഏറ്റവും മുന്നിര നിക്കല്, പലേഡിയം ഉത്പാദകരാണ് നൊറില്സ്ക് നിക്കല്.
ചോര്ച്ചയുടെ ദുരന്തവ്യാപ്തി കഴിയുന്നതും കുറയ്ക്കണമെന്ന് പുടിന് ബുധനാഴ്ച നിര്ദേശം നല്കിയിരുന്നു. അതേസമയം, അന്വേഷണത്തിന് പുടിന് ഉത്തരവിട്ടിട്ടുണ്ട്. പ്ലാന്റിന്റെ മാനേജര് പൊലീസ് കസ്റ്റ്ഡിയിലാണ്. ചോര്ച്ചയുണ്ടായി രണ്ടു ദിവസങ്ങള് കഴിഞ്ഞാണ് സര്ക്കാര് ഇക്കാര്യം അറിയുന്നതെന്ന വസ്തുത പുടിന് അംഗീകരിക്കുകയും ചെയ്തു. സര്ക്കാര് ഏജന്സികള് എന്തുകൊണ്ട് ഇതറിഞ്ഞില്ലെന്നും സമൂഹമാധ്യമം വഴിയാണോ അറിയേണ്ടതെന്നും പുടിന് പ്ലാന്റിന്റെ മേധാവി സെല്ജെയ് ലിപിനോടു ചോദിച്ചു. സമൂഹമാധ്യമങ്ങള് വഴിയാണ് താന് വിവരം അറിഞ്ഞതെന്ന് സൈബീരിയന് ഗവര്ണര് അലക്സാണ്ടര് ഉസ് പുടിനെ നേരത്തെ അറിയിച്ചിരുന്നു.
ഡീസല് ശേഖരിച്ചുവച്ച മേഖല നിര്മിച്ചിരിക്കുന്നത് പെര്മഫ്രോസ്റ്റിനു മുകളിലാണ്. കാലാവസ്ഥാ വ്യതിയാനത്തെത്തുടര്ന്ന് ഈ മണ്ണ് അലിഞ്ഞുപോകുന്നുണ്ട്. ഇതേത്തുടര്ന്നാണ് ഡീസല് ശേഖരിച്ചുവച്ച ടാങ്കിനെ താങ്ങിനിര്ത്തിയ തൂണുകള് താഴ്ന്നുപോകുകയും അപകടം സംഭവിക്കുകയും ചെയ്തത്. ചോര്ന്ന ഇന്ധനം അപകട സ്ഥലത്തുനിന്ന് ഏകദേശം 12 കിലോമീറ്റര് ദൂരെവരെ എത്തിയിട്ടുണ്ടെന്നും അംബര്നയ നദിയിലേക്കു പടര്ന്നിട്ടുണ്ടെന്നുമാണ് റിപ്പോര്ട്ട്. 350 ചതുരശ്ര കിലോമീറ്റര് മേഖല മലിനമാക്കപ്പെട്ടിട്ടുണ്ട്. ഇപ്പോള്ത്തന്നെ മേഖലയിലെ മത്സ്യ, മറ്റു വിഭവ നഷ്ടം കുറഞ്ഞത് 13 ദശലക്ഷം യുഎസ് ഡോളറിനടുത്ത് നഷ്ടമുണ്ടായിട്ടുണ്ടെന്ന് വേള്ഡ് വൈഡ്ലൈഫ് ഫണ്ടിന്റെ (ഡബ്ല്യുഡബ്ല്യുഎഫ്) റഷ്യന് തലവന് അലെക്സെയ് ക്നിഴ്നികോവ് പറഞ്ഞു.
https://www.facebook.com/Malayalivartha