തോളിനു പരുക്കേറ്റ് മരത്തിനു മുകളില്‍ കുടുങ്ങിയ മരംവെട്ടുകാരനെ രക്ഷിച്ചു
06 JUNE 2020 11:02 AM IST
മലയാളി വാര്‍ത്ത
വൈക്കത്ത് 60 അടി ഉയരത്തിലുള്ള മരത്തിന്റെ ശിഖരം മുറിച്ചു നീക്കുന്നതിനിടെ ഇടതു കൈയുടെ തോളിടറി മരത്തിനു മുകളില്‍ കുടുങ്ങിയ തൊഴിലാളിയെ അഗ്‌നിരക്ഷാസേന എത്തി രക്ഷപ്പെടുത്തി. ചാലപ്പറമ്പില്‍ എളമശേരിയില്‍ സജീവനാണ് (53) മരത്തിനു മുകളില്‍ കുടുങ്ങിയത്.
മരം മുറിക്കുന്നതിനു മുന്‍പു സജീവന്‍ കയര്‍ ഉപയോഗിച്ചു ശരീരം മരത്തില്‍ ചേര്‍ത്തു കെട്ടിയിരുന്നതിനാലാണ് അപകടം ഒഴിവായത്.
അഗ്‌നിരക്ഷാ സേന അസിസ്റ്റന്റ് സ്റ്റേഷന്‍ ഓഫിസര്‍ ടി.ഷാജി കുമാര്‍, ഓഫിസര്‍ എച്ച്.ഹരീഷ്, സി.കെ.സജേഷ് എന്നിവര്‍ വടം ഉപയോഗിച്ച് അര മണിക്കൂര്‍ കൊണ്ടാണ് ആളെ താഴെ ഇറക്കിയത്.
എസ്എച്ച്ഒ എസ്.പ്രദീപ്, അഗ്‌നിരക്ഷാസേന സര്‍വീസ് സ്റ്റേഷന്‍ ഓഫിസര്‍ എം.പി.സജീവ് എന്നിവരുടെ നേതൃത്വത്തിലായിരുന്നു രക്ഷാപ്രവര്‍ത്തനം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
