ഓണ്ലൈന് പഠനം കുറ്റമറ്റ രീതിയില് നടക്കുന്നുവെന്ന് ഉറപ്പു വരുത്തുമെന്ന് മന്ത്രി എ കെ ശശീന്ദ്രന്
എലത്തൂര് നിയോജക മണ്ഡലത്തില് സംസ്ഥാന സര്ക്കാര് വിക്ടേഴ്സ് ചാനല് വഴി നടത്തുന്ന ഓണ്ലൈന് പഠനം കുറ്റമറ്റ രീതിയില് നടക്കുന്നുവെന്ന് ഉറപ്പു വരുത്തുമെന്ന് ഗതാഗത മന്ത്രി എ കെ ശശീന്ദ്രന് പറഞ്ഞു. ഇത് സംബന്ധിച്ച് കോഴിക്കോട് ഗവണ്മെന്റ് ഗസ്റ്റ് ഹൗസില് ചേര്ന്ന അവലോകന യോഗത്തില് സംസാരിക്കുകയായിരുന്നു മന്ത്രി. മണ്ഡലത്തിലെ വായനശാലകള്, അംഗന്വാടികള്, ഹാളുകള് എന്നിവിടങ്ങളില് ഇതിനായി സജ്ജീകരണങ്ങള് ഏര്പ്പെടുത്തുന്നതിനുള്ള നടപടി തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില് സ്വീകരിച്ചു വരുന്നുണ്ട്. ക്ലാസ്സുകള് നടക്കുന്ന കേന്ദ്രങ്ങളില് വാര്ഡ് മെമ്ബര്മാരുടെ നേതൃത്വത്തില് കമ്മറ്റികള് രൂപീകരിക്കും.
എ.ഡി.എം രോഷ്നി നാരായണന്, കോര്പ്പറേഷന് വിദ്യാഭ്യാസ സ്റ്റാന്റിംഗ് കമ്മറ്റി ചെയര്മാന് എം.രാധാകൃഷ്ണന് മാസ്റ്റര്, ചേളന്നൂര് ബ്ലോക്ക് പഞ്ചായത്ത് പ്രസിഡണ്ട് ഒ.പി. ശോഭന, ഗ്രാമപഞ്ചായത്ത് പ്രസിഡണ്ടുമാരായ കുണ്ടൂര് ബിജു, ചോയിക്കുട്ടി, പി.അപ്പുക്കുട്ടന്, ജമീല, പ്രകാശന് മാസ്റ്റര്, ചേളന്നൂര് പഞ്ചായത്ത് വൈ. പ്രസിഡണ്ട് വിജയന്, ചേവായൂര്, കുന്നമംഗലം എ ഇ ഒ മാര്, ചേളന്നൂര്, കുന്നമംഗലം, യു.ആര്.സി – ബി.പി.ഒ മാര് എന്നിവര് പങ്കെടുത്തു.
https://www.facebook.com/Malayalivartha