ഓണ്‍ലൈന്‍ വിദ്യാഭ്യാസം നേടുന്ന കുട്ടികള്‍ക്ക് ആവശ്യമായ എല്ലാ സഹായവും എത്തിക്കാന്‍ പോലീസ് പ്രത്യേക പദ്ധതിക്ക് തുടക്കം കുറിച്ചു. ഇ-വിദ്യാരംഭം എന്ന് പേരിട്ടിരിക്കുന്ന ഈ പദ്ധതി ജനമൈത്രി പോലീസിന്റെ സഹകരണത്തോടെയാണ് നടപ്പാക്കുക.

50,000 കുട്ടികള്‍ക്ക് ഓണ്‍ലൈന്‍ പഠനത്തിന് ആവശ്യമായ ഡിജിറ്റല്‍ ഉപകരണങ്ങള്‍ പദ്ധതി മുഖേന ലഭ്യമാക്കാനാണ് പോലീസ് ലക്ഷ്യമിടുന്നത്. ഉപയോഗിച്ചതോ പുതിയതോ ആയ സ്മാര്‍ട്ട്‌ഫോണ്‍, ലാപ്‌ടോപ്പ്, ഡെസ്‌ക്‌ടോപ്പ്, ടാബ്ലെറ്റ്, ഐഫോണ്‍, ഐപാഡ് എന്നിവ ഇതിനായി ലഭ്യമാക്കാന്‍ സംസ്ഥാന പോലീസ് മേധാവി ലോക്‌നാഥ് ബെഹ്‌റ പോലീസ് ഉദ്യോഗസ്ഥരോട് അഭ്യര്‍ത്ഥിച്ചു.

ഓണ്‍ലൈന്‍ വിദ്യാഭ്യാസം നേടുന്ന കുട്ടികളെ സഹായിക്കാനായി കമ്പ്യൂട്ടര്‍ സാക്ഷരതയുളള പോലീസ് ഉദ്യോഗസ്ഥര്‍ ഒഴിവ് സമയങ്ങളില്‍ കുട്ടികളുടെ വീട്ടിലെത്തും. സാമൂഹിക അകലം ഉള്‍പ്പെടെയുളള ആരോഗ്യസുരക്ഷാമാനദണ്ഡങ്ങള്‍ പാലിച്ചായിരിക്കും ഇത്. ഇത് സംബന്ധിച്ച നിര്‍ദേശം എല്ലാ സ്റ്റേഷന്‍ഹൗസ് ഓഫീസര്‍മാര്‍ക്കും നല്‍കിയിട്ടുണ്ട്. അതെ സമയം ഓൺലൈൻ പഠനത്തിനു സൗകര്യമില്ലാത്ത കുട്ടികൾക്കായി 400 പുതിയ ടിവി വാങ്ങി നൽകുമെന്നു നഗരസഭ. നാളെ രാവിലെ ചേരുന്ന ജില്ലാ ആസൂത്രണ സമിതി യോഗം പദ്ധതി അംഗീകരിച്ചാൽ 14നു ഓൺലൈ‍ൻ പഠനം തുടങ്ങുന്നതിനു മുൻപ് കുട്ടികൾക്ക് ടിവി നൽകാൻ കഴിയുമെന്നു നഗരസഭാധ്യക്ഷൻ ഇല്ലിക്കൽ കുഞ്ഞുമോൻ പറഞ്ഞു. ടാബ് മതിയെന്നുള്ളവർക്ക് അതു നൽകും. 25 ലക്ഷം രൂപ ഇതിനു ചെലവഴിക്കും.

വിദ്യാഭ്യാസ വകുപ്പിന്റെ നിർദേശങ്ങൾ പാലിച്ചാണ് നടപടി. നഗരസഭാ പരിധിയിൽ 250 കുട്ടികൾക്കാണ് ഓൺലൈൻ വിദ്യാഭ്യാസത്തിന് ഒരു സൗകര്യവുമില്ലാത്തതായി സർവേയിൽ കണ്ടത്. മറ്റുസ്ഥലങ്ങളിൽ പഠിക്കുന്ന കുട്ടികളും ഇപ്പോൾ നഗരസഭയെ സമീപിക്കുന്നുണ്ട്. നിലവിലുള്ള പട്ടികയിൽ ഉൾപ്പെടാത്തവർ വീട്ടിൽ ടിവി ഇല്ലെന്ന കൗൺസിലറുടെ ശുപാർശക്കത്ത് നൽകി പ്രഥമാധ്യാപിക സാക്ഷ്യപ്പെടുത്തുന്ന കത്തുമായി നഗരസഭയെ സമീപിക്കണം.

ടിവി ചാലഞ്ചിന് മികച്ച പ്രതികരണം
നഗരസഭ പ്രഖ്യാപിച്ച ടിവി ചാലഞ്ച് പരിപാടിക്ക് നല്ല പിന്തുണയാണ് ജനങ്ങൾ നൽകുന്നത്. 3 പുതിയ ടിവി ഉൾപ്പെടെ നൂറോളം ടിവി ലഭിച്ചു. ടിവിയുടെ തകരാർ പരിഹരിച്ചു കുട്ടികൾക്ക് നൽകിയാലും വീണ്ടും തകരാറിലായാൽ കുട്ടികളുടെ പഠനത്തെ ബാധിക്കുമെന്നതിനാലാണ് പുതിയ ടിവി തന്നെ നൽകാൻ തീരുമാനിച്ചത്.

ഉപയോഗയോഗ്യമായ ടിവി വാർഡുതലത്തിൽ കൗൺസിലർമാർ ചില കുട്ടികൾക്ക് കൈമാറിയിരുന്നു. ഉപാധ്യക്ഷ സി.ജ്യോതിമോൾ, സ്ഥിരം സമിതി അധ്യക്ഷരായ ബഷീർ കോയാപറമ്പിൽ, എ.എ.റസാക്ക്, ജി.മനോജ് കുമാർ, ബിന്ദു തോമസ് എന്നിവർ യോഗത്തിൽ പങ്കെടുത്തു.