പരീക്ഷയില്‍ കോപ്പിയടിച്ചുവെന്ന ആരോപണം ഉയര്‍ന്നതിന് പിന്നാലെ കാണാതായ വിദ്യാര്‍ത്ഥിനിയുടെ മൃതദേഹം കണ്ടെത്തി. കാഞ്ഞിരപ്പള്ളി സെന്റ് ആന്റണീസ് കോളേജ് ബിരുദ വിദ്യാര്‍ഥിനി അഞ്ജു ഷാജിയുടെ മൃതദേഹമാണ് കണ്ടെത്തിയത്.

പരീക്ഷയെഴുതാൻ വേണ്ടി ചേർപ്പുങ്കൽ ഹോളി ക്രോസ് കോളേജിലെത്തിയ കുട്ടിയെ പരീക്ഷാ ഹാളിൽ നിന്ന് പുറത്താക്കിയിരുന്നു. കോപ്പിയടിച്ചെന്ന കോളേജിന്റെ ആരോപണത്തിൽ മനംനൊന്താണ് കുട്ടി ആറ്റിൽ ചാടിയതെന്ന് അഞ്ജുവിന്റെ കുടുംബം ആരോപിച്ചിരുന്നു. പാലത്തിൽ ബാഗ് കണ്ടതിനെ തുടർന്നാണ് തെരച്ചിൽ ആരംഭിച്ചത്. രാത്രി വരെ തെരച്ചിൽ തുടർന്നെങ്കിലും പെൺകുട്ടിയെ കണ്ടെത്താനായിരുന്നില്ല. കാഞ്ഞിരപ്പള്ളി സെന്റ് ആന്റണീസ് കോളേജിലെ കൊമേഴ്സ് അവസാന വർഷ വിദ്യാർത്ഥിയായിരുന്നു അഞ്ജു. പഠനത്തിൽ മിടുക്കിയായ മകൾ കോപ്പിയടിക്കില്ലെന്നും അച്ഛൻ ഷാജി ഉറപ്പായിച്ച് പറയുകയാണ്.

അഞ്ജുവിന്റെ ബാഗും മൊബൈല്‍ഫോണും പാലത്തില്‍ നിന്ന് കിട്ടിയതിന്റെ അടിസ്ഥാനത്തിലായിരുന്നു പുഴയില്‍ തെരച്ചില്‍ നടത്തിയത്. ശനിയാഴ്ച വൈകീട്ടാണ് കുട്ടിയെ കാണാതായത്. ഇന്നലെ ഉച്ചയ്ക്ക് ശേഷമാണ് അഞ്ജുവിന് പരീക്ഷയുണ്ടായത്.

എംജി സര്‍വകലാശാലയ്ക്ക് കീഴിലുള്ള ബികോം അവസാന വര്‍ഷ ബിരുദ വിദ്യാര്‍ത്ഥിനിയാണ് അഞ്ജു. പരീക്ഷയ്ക്കുളള കേന്ദ്രം കിട്ടിയത് പാല ചേര്‍പ്പുങ്കല്‍ ഹോളിക്രോസ് കോളേജിലുമാണ്. പരീക്ഷയ്ക്കിടെ അഞ്ജു കോപ്പിയടിച്ചുവെന്ന് അധ്യാപകന്‍ കണ്ടെത്തുകയായിരുന്നു. തുടര്‍ന്ന് കോളേജ് പ്രിന്‍സിപ്പാളിനെ വിവരം അറിയിച്ചു.

ക്ലാസിന് പുറത്താക്കിയ അഞ്ജുവിനോട് വിശദീകരണം എഴുതി നല്‍കാനും ആവശ്യപ്പെട്ടെന്ന് കോളേജ് അധികൃതര്‍ പറയുന്നു. എന്നാല്‍ പ്രിന്‍സിപ്പാളുടെ മുറിയിലേക്ക് എത്താന്‍ ആവശ്യപ്പെട്ടെങ്കിലും അഞ്ജു എത്തിയില്ല. സാധാരണ ആറുമണിയോടെയാണ് വീട്ടിലെത്താറുള്ളത്.

ശേഷം അഞ്ജുവിനെ കാണാതായതോടെ മാതാപിതാക്കള്‍ കാഞ്ഞിരപ്പള്ളി പോലീസില്‍ പരാതി നല്‍കുകയായിരുന്നു. തുടര്‍ന്ന് നടത്തിയ അന്വേഷണത്തിലാണ് ചേര്‍പ്പുങ്കല്‍ പാലത്തില്‍ ബാഗും മൊബൈലും കണ്ടെത്തിയത്. പിന്നീടാണ് കുട്ടി ആറ്റില്‍ ചാടിയതാകാമെന്നാണ് പ്രാഥമിക നിഗമനം.

അതേസമയം പെൺകുട്ടിയെ കാണാതായ സംഭവത്തിൽ കോളേജ് അധികൃതർ ഗുരുതരമായ അനാസ്ഥ കാട്ടിയതായി ബന്ധുക്കൾ ആരോപിച്ചിരുന്നു. കോപ്പിയടിച്ച് പിടിച്ചെന്ന ആരോപണം സത്യമാണെങ്കിൽ രക്ഷിതാക്കളെയോ പഠിക്കുന്ന കോളേജ് അധികൃതരെയോ അറിയിക്കാതെ കുട്ടിയെ തനിയെ മടക്കി അയച്ചത് എന്തിനെന്നും അവർ ചോദിച്ചു. കാണാതായ സമയംമുതൽ ഞായറാഴ്ച മീനച്ചിലാറ്റിലെ തിരച്ചിൽ അവസാനിപ്പിക്കുന്നതുവരെ കോളേജ് അധികൃതർ തങ്ങൾക്ക് മുമ്പിൽ വരാത്തതെന്തെന്നും അവർ ചോദിച്ചു.

വിദ്യാർഥിനിയെ കോപ്പിയടിച്ചതിന് പിടിച്ചതിന് പിന്നാലെ തുടർ നടപടികൾക്കായി വിദ്യാർഥിനിയോട് ഓഫീസ് മുറിയിലെത്താൻ ആവശ്യപ്പെട്ടു. എന്നാൽ, ഇത് അവഗണിച്ച് വിദ്യാർഥിനി കോളേജിൽ കാമ്പസ് വിട്ട് പുറത്തേക്ക് പോവുകയായിരുന്നെന്ന് -ഫാ. ജോസഫ് ഞാറക്കാട്ടിൽ, പ്രിൻസിപ്പൽ, ബി.വി.എം.കോളേജ്, ചേർപ്പുങ്കൽ പറഞ്ഞു.

എന്നാൽ അഞ്ജു ഷാജിയുടെ മരണത്തിൽ ഞെട്ടിയിരിക്കുകയാണ് സഹപാഠികൾ. ആർക്കും ഉൾക്കൊള്ളാനാകുന്നില്ല തങ്ങൾക്കൊപ്പം ഇരുന്നു പഠിച്ച് തമാശകളൊക്കെ പറഞ്ഞു രസിച്ച ആ കൂട്ടുകാരി പുഴയിൽ ചാടി ആത്മഹത്യാ ചെയ്യുമെന്നും. എന്തായാലും സംഭവത്തിൽ അന്വേഷണം തുടരുകയാണ്.