ഭക്തര്‍ക്കു നാളെ മുതല്‍ ഗുരുവായൂര്‍ ക്ഷേത്രത്തില്‍ ദര്‍ശനത്തിനെത്താം. ഇതിനുള്ള ഓണ്‍ലൈന്‍ ബുക്കിംഗ് ആരംഭിച്ചു. 80 ദിവസത്തിന് ശേഷമാണ് ക്ഷേത്രത്തില്‍ ഭക്തര്‍ക്ക് പ്രവേശനം അനുവദിക്കുന്നത്. ഇന്നലെ വൈകിട്ട് ഏഴു വരെ 522 പേര്‍ ബുക്കിംഗ് നടത്തിയിട്ടുണ്ട്. ഇതില്‍ 171 പേര്‍ ചൊവ്വാഴ്ച ദര്‍ശനം നടത്തുന്നതിനുള്ളവരാണ്. 600 പേരെയാണ് ഒരു ദിവസം ദര്‍ശനത്തിന് അനുവദിക്കുക. നാലന്പലത്തിനകത്തേക്കു ഭക്തരെ പ്രവേശിപ്പിക്കില്ല. രാവിലെ 9.30 മുതല്‍ 1.30 വരെയാണ് ദര്‍ശനം.. കിഴക്കേ ഗോപുരം വഴി ചുറ്റമ്പലത്തില്‍ കടന്ന് ജീവനക്കാരുടെ പ്രവേശന കവാടം വഴി ഭക്തര്‍ക്ക് കണ്ണന്റെ വാതില്‍മാടത്തിന് മുന്നില്‍ നിന്ന് ദര്‍ശനം നടത്താം.

തുടര്‍ന്ന് അയ്യപ്പന്റെ ക്ഷേത്രം വഴി കടന്ന് പടിഞ്ഞാറെ നടവഴിയോ, ഭഗവതി ക്ഷേത്രത്തിന്റെ വാതില്‍ വഴിയോ പുറത്തു കടക്കാം. ദേവസ്വത്തിന്റെ മെയില്‍ വഴി ലഭിക്കുന്ന ക്യു ആര്‍ കോഡും ദര്‍ശന ടോക്കന്റെ പ്രിന്ററും തിരിച്ചറിയല്‍ കാര്‍ഡുമായി അനുവദിക്കപ്പെട്ട സമയത്തിനു 20 മിനിറ്റ് മുന്‍പ് ക്യു കോംപ്ലക്‌സില്‍ എത്തണം.