കഴിഞ്ഞ മൂന്നുവര്‍ഷമായി 'ഓഗസ്റ്റ്' എന്ന മാസം കേരളത്തിന് പേടിസ്വപ്‌നമായി മാറിയിരിക്കുകയാണ് . 2018, 2019 എന്നീ രണ്ട് വര്‍ഷങ്ങളിലും കേരളത്തിൽ പ്രളയവും നാശനഷ്ടങ്ങളും ഉണ്ടായി ..

2018 ല്‍ ഇടുക്കി അടിമാലിയിലെ കാലയളവില്‍ ആയിരുന്നു ആദ്യത്തെ ദുരന്തമെങ്കില്‍ വയനാട്ടിലെ പുത്തുമലയിലും നിലമ്പൂരിലെ കവളപ്പാറയിലും ആയിരുന്നു 2019 ല്‍ദുരന്തമുണ്ടായത്. ഇപ്പോൾ 2020 ലും ദുരന്തം ഉണ്ടായി ...

2018 ഓഗസ്റ്റ് 9 ന് പുലര്‍ച്ചെയാണ് അടിമാലി പാലവളവില്‍ ഉരുള്‍പൊട്ടല്‍ ഉണ്ടായത്. രണ്ട് പെണ്‍കുഞ്ഞങ്ങള്‍ ഉള്‍പ്പെടെ ഒരു കുടുംബത്തിലെ അഞ്ചു പേർ അന്ന് മരിച്ചിരുന്നു .. ഉരുള്‍പൊട്ടല്‍ കൂടാതെ, പ്രളയവും ഇതേവര്‍ഷം കേരളത്തില്‍ ഉണ്ടായി. ഓഗസ്റ്റ് 9 നു തന്നെ ആയിരുന്നു കേരളം പ്രളയത്തില്‍ മുങ്ങിയത്. അന്ന് 22 പേരാണ് സംസ്ഥാനത്ത് മഴക്കെടുതിയില്‍ മരിച്ചത്. ഇടുക്കി അണക്കെട്ട് 26 വര്‍ഷത്തിന് ശേഷവും തുറന്നതും അന്നുതന്നെയാണ്.

2019 ഓഗസ്റ്റ് എട്ടിനാണ് വയനാടിലെ പുത്തുമലയും നിലമ്പൂരിലെ കവളപ്പാറയും മണ്ണിനടിയിലായത്. പുത്തുമലയില്‍ വൈകീട്ടാണ് ഉരുള്‍പൊട്ടിയത്. ഇതേതുടര്‍ന്ന് പ്രദേശം മുഴുവന്‍ മണ്ണിനടിയിലായി.അന്ന് 17 പേര്‍ക്കാണ് പുത്തുമലയില്‍ ജീവന്‍ നഷ്ടപ്പെട്ടത്. ഇതില്‍ അഞ്ചു പേരുടെ മൃതദേഹങ്ങള്‍ കണ്ടുകിട്ടിയില്ല ...

മരിച്ചോ ജീവിച്ചോ എന്ന് പോലും അറിയാത്ത ഉറ്റവരുടെ നിസ്സഹായാവസ്ഥയും നമ്മൾകണ്ടു .... കവളപ്പാറയില്‍ രാത്രിയാണ് ദുരന്തമുണ്ടായത്. ഇതില്‍ 59 പേര്‍ മരിച്ചു. ഇവിടെയും 11 പേരുടെ മൃതദേഹങ്ങള്‍ തിരിച്ചെടുക്കാനായില്ല

ഈ വർഷവും പതിവുപോലെ ആഗസ്റ്റ് 8 നു ദുരന്തം പെയ്തിറങ്ങിയപ്പോൾ ഉണ്ടായ മണ്ണിടിച്ചിലില്‍ രാജമല പെട്ടിമുടിയില്‍ കാണാതായ 49 പേരെ ഇനിയും കണ്ടെത്താനുണ്ട്. അപകടത്തില്‍ 18 പേരുടെ മരണം സ്ഥിരീകരിച്ചു. അപകടത്തില്‍ നിന്ന് രക്ഷപ്പെടുത്തിയ 11 പേരില്‍ ഒരാളൊഴികെ അപകടനില തരണം ചെയ്തു. വലിയൊരു പ്രദേശം മുഴുവന്‍ മണ്ണും വലിയ പാറക്കലുകളും നിറഞ്ഞ് നികന്ന അവസ്ഥയിലാണ്. രാത്രി നടന്ന ദുരിതവാര്‍ത്ത പുറംലോകത്തെത്തിയത് ഏറെ വൈകിയാണ്.

വയനാട് പുത്തുമല ദുരന്തത്തിന്റെ ഒന്നാം വാര്‍ഷികത്തിന് രണ്ട് ദിവസങ്ങളും ഇടുക്കി അടിമാലിയിലെ പാലവളവിലെ ദുരന്തത്തിന്റെ രണ്ടാം വാര്‍ഷികത്തിന് ദിവസങ്ങളും ബാക്കിനില്‍ക്കെയാണ് പെട്ടിമുടി ദുരന്തം ഉണ്ടായത്.

പുത്തുമലയും പെട്ടിമുടിയും എസ്റ്റേറ്റ് മേഖലകളാണ് .അന്നന്നത്തെ അന്നത്തിനുവേണ്ടി രാപകൽ ജോലി ചെയ്യുന്ന പട്ടിണി പാവങ്ങളാണ് ഇവിടെ ലയങ്ങളിൽ തിങ്ങി പാർക്കുന്നത് .. പുത്തുമലയില്‍ എച്ച്എംഎല്ലിന്റെ എസ്റ്റേറ്റാണുള്ളത്.

മരിച്ചവരില്‍ തോട്ടം തൊഴിലാളികളും പുത്തുമലയിലെയും പച്ചക്കാട്ടിലെയും നാട്ടുകാരുമുണ്ട്. തൊഴിലാളികളുടെ പാഡി ഉള്‍പ്പെടെയാണ് മണ്ണിനടിയിലായത്. പെട്ടിമുടിയില്‍ മരിച്ചവരെല്ലാം തോട്ടം തൊഴിലാളികളാണ്. പെട്ടിമുടിയിലെ മരണസംഖ്യ പുത്തുമലയേതിനേക്കാള്‍ കൂടുതലായേക്കും

കോവിഡ് ഭീതിക്കിടയിൽ വീണ്ടും പ്രകൃതി ദുരന്തം ആഞ്ഞുവീശുന്നത് ജനങ്ങളിൽ പരിഭ്രാന്തിയും ആശങ്കയും വർധിപ്പിക്കുന്നു