'പൂര്‍ണമായും ഫലപ്രദമായ' ത് എന്ന അവകാശവാദവുമായി റഷ്യ കോവിഡ് -19 പ്രതിരോധ വാക്സിൻ ആഗസ്ത് 12ന് പുറത്തിറക്കുന്നു... ലോകത്തെ ആദ്യ കൊവിഡ്-19 പ്രതിരോധ വാക്സിൻ ആണ് ഇത് . സര്‍ക്കാര്‍ നിയന്ത്രണത്തിലുള്ള ഗമാലേയ ഇൻസ്റ്റിറ്റ്യട്ട് വികസിപ്പിച്ച കൊവിഡ്-19 വാക്സിൻ ഓഗസ്റ്റ് 12ന് രജിസ്റ്റര്‍ ചെയ്യുമെന്ന് റഷ്യൻ ആരോഗ്യകാര്യ സഹമന്ത്രി ഒലെഗ് ഗ്രിഡ്നേവ്പ്രഖ്യാപിച്ചു. ഗമാലേയ ഇൻസ്റ്റിറ്റ്യൂട്ടും റഷ്യൻ പ്രതിരോധ മന്ത്രാലയവും സംയുക്തമായി വികസിപ്പിച്ച വാക്സിനാണ് അന്തിമ അനുമതി നല്‍കുന്നത്.

തങ്ങള്‍ വികസിപ്പിച്ച പ്രതിരോധ വാക്സിൻ്റെ ക്ലിനിക്കൽ പരീക്ഷണം പൂര്‍ത്തിയാക്കിയതായി രണ്ട് ദിവസം മുൻപ് റഷ്യൻ ആരോഗ്യമന്ത്രിയായ മിഖൈൽ മുറഷ്കോ വ്യക്തമാക്കിയിരുന്നു. കൊവിഡ്-19നെതിരെ തങ്ങളുടെ വാക്സിന് ഉയര്‍ന്ന പ്രതിരോധശേഷിയുണ്ടെന്നാണ് അദ്ദേഹം അവകാശപ്പെട്ടത്.

ഓഗസ്റ്റ് മാസത്തിൽ തന്നെ രാജ്യത്തെ ഡോക്ടര്‍മാരെയും അധ്യാപകരെയും വാക്സിനേറ്റ് ചെയ്യുമെന്നും അദ്ദേഹം വ്യക്തമാക്കിയിരുന്നു. ഇതിനു ശേഷം ഒക്ടോബറിൽ നടക്കുന്ന വാക്സിനേഷൻ പദ്ധതിയിൽ രാജ്യത്തെ ജനങ്ങളെയെല്ലാം വാക്സിനേറ്റ് ചെയ്യുമെന്നും അദ്ദേഹം വ്യക്തമാക്കി... അതേസമയം, റഷ്യയുടെ വാക്സിൻ ഗവേഷണം സംബന്ധിച്ചു ലോകാരോഗ്യ സംഘടനാ ഉൾപ്പടെ സംശയമുന്നയിച്ചിട്ടുണ്ട്

ജൂൺ പകുതിയോടെ രാജ്യത്തെ ഏഴു കേന്ദ്രങ്ങളിലാണ് വാക്സിൻ്റെ ക്ലിനിക്കൽ പരീക്ഷണം ആരംഭിച്ചതെന്നാണ് റഷ്യൻ സര്‍ക്കാര്‍ വൃത്തങ്ങളെ ഉദ്ധരിച്ചുള്ള റിപ്പോര്‍ട്ടുകള്‍. ലോകത്ത് പത്തോളം വാക്സിനുകള്‍ മൂന്നാം ഘട്ട ക്ലിനിക്കൽ പരീക്ഷണം നടത്തിനു ഒരുങ്ങുകയാണ് . അവരെയെല്ലാം കടത്തിവെട്ടിയാണ് നിര്‍ണായക പ്രഖ്യാപനവുമായി റഷ്യ എത്തിയിരിക്കുന്നത് . യുഎസിനും ബ്രസീലിനും ഇന്ത്യയ്ക്കും പിന്നിലായി ലോകത്ത് ഏറ്റവുമധികം കൊവിഡ് രോഗികളുള്ള രാജ്യമാണ് റഷ്യയെന്നാണ് വേള്‍ഡോമീറ്റര്‍ കണക്കുകള്‍.

യുഎസിനെ പിന്നിലാക്കി ചന്ദ്രനിൽ മനുഷ്യരെയെത്തിച്ച സ്പുട്നിക് ദൗത്യവുമായാണ് റഷ്യയുടെ വാക്സിൻ വികസനത്തെ സിശേഷിപ്പിക്കുന്നത് ..വാക്സിൻ ദൗത്യത്തിന് സാമ്പത്തിക സഹായം നല്‍കുന്ന സ്ഥാപനത്തിൻ്റെ തലവൻ കിറിൽ ദിമിത്രേവ് ആണ് വാക്സിൻ പുറത്തിറക്കുന്നത് ഒരു സ്പുട്നിക് നിമിഷമാകുമെന്നു പറഞ്ഞത്

നവംബര്‍ മൂന്നിനു മുൻപായി യുഎസിൽ കൊവിഡ് വാക്സിൻ പുറത്തിറക്കാൻ സാധിക്കുമെന്ന് പ്രസിഡൻ്റ് ഡോണള്‍ഡ് ട്രംപ് കഴിഞ്ഞ ദിവസം വ്യക്തമാക്കിയിരുന്നു. ലോകാരോഗ്യ സംഘടനയുടെ റിപ്പോര്‍ട്ട് പ്രകാരം ഓക്സ്ഫോര്‍ഡ് സര്‍വകലാശാലയുടെ വാക്സിനും യുഎസ് കമ്പനിയായ മോഡേണയുടെ വാക്സിനുമാണ് ക്ലിനിക്കൽ പരീക്ഷണത്തിൽ മുന്നിൽ. ചൈനീസ് കമ്പനിയുടെ വാക്സിനും മൂന്നാം ഘട്ട ക്ലിനിക്കൽ പരീക്ഷണം നടത്തുന്നുണ്ട്

റഷ്യന്‍ വാക്‌സിന്‍ പ്രതീക്ഷ നല്‍കുന്നതാണെന്നു കണ്ടെത്തിയാല്‍ പോലും അത് സുരക്ഷിതമാണെന്ന് ലോകരോഗ്യ സംഘടനയും മറ്റും പറയാന്‍ സാധ്യതയില്ലെന്നും റഷ്യന്‍ സർക്കാർ വാക്‌സിന്റെ പേരില്‍ കാട്ടിക്കൂട്ടുന്ന വിക്രീയകള്‍ യാഥാര്‍ഥ്യത്തെ മൂടിവയ്ക്കുന്നതാണെന്നും ആകാശത്തു നിന്ന് മാന്ത്രിക മരുന്നു വീണു കിട്ടിയെന്നു പറഞ്ഞാലും, അതു സുരക്ഷിതമാണോ എന്ന കാര്യത്തിനായിരിക്കും ശാസ്ത്ര ലോകം ഊന്നല്‍ നല്‍കുക എന്നും ഗവേഷകര്‍ പറയുന്നു