ഡിജിപി ടോമിന് ജെ. തച്ചങ്കരിക്ക് വിജിലന്സിന്റെ ക്ലീന് ചിറ്റ്; കൈക്കുലി വാങ്ങിയതിന് തെളിവില്ല; ലോക്നാഥ് ബെഹ്റക്ക് ശേഷം ആരാണ് പോലീസ് മേധാവിയെന്ന ചോദ്യത്തിന് ഇനി ഒരെ ഒരു ഉത്തരം മാത്രം
കൈക്കൂലി കേസില് ഡിജിപി ടോമിന് ജെ. തച്ചങ്കരിക്ക് വിജിലന്സിന്റെ ക്ലീന് ചിറ്റ്. ഗതാഗത കമ്മീഷണറായിരിക്കെ പാലക്കാട് ആര്ടിഒയില് നിന്ന് കൈക്കൂലി വാങ്ങി എന്നായിരുന്നു കേസ്. തച്ചക്കരിക്കെതിരേ തെളിവില്ലെന്നാണ് അന്വേഷണ സംഘത്തിന്റെ നിലപാട്. ഗതാഗത കമ്മീഷണറായിരിക്കെ പാലക്കാട് ആര്ടിഒയില് നിന്ന് മൂന്ന് ലക്ഷം രൂപ കൈക്കൂലി വാങ്ങിയെന്നതാണ് ഡിജിപി ടോമിന് തച്ചങ്കരിക്കെതിരായ കേസ്. ഈ കേസില് തെളിവില്ലെന്ന് പറഞ്ഞാണ് തിരുവനന്തപുരം വിജിലന്സ് പ്രത്യേക കോടതിയില് വിജിലന്സ് റിപ്പോര്ട്ട് നല്കിയത്.
പരാതിയെ ബലപ്പെടുത്തുന്ന തെളിവുകള് കണ്ടെത്താന് കഴിഞ്ഞില്ല. ഇതോടൊപ്പം സമര്പ്പിച്ച ഓഡിയോ ടേപ്പടക്കമുള്ള ഡിജിറ്റല് തെളിവുകള്ക്ക് വിശ്വാസ്യത ഇല്ലെന്നുമാണ് വിജിലന്സ് പറയുന്നത്. നേരത്തെ പരാതി വന്നപ്പോള് അന്നത്തെ വിജിലന്സ് ഡയറക്ടറായിരുന്ന ജേക്കബ് തോമസ് ആണ് തച്ചങ്കരിക്കെതിരേ അന്വേഷണത്തിന് ശുപാര്ശ ചെയ്തത്. അതേസമയം തന്നെ റിപ്പോര്ട്ടില് വകുപ്പു തല അന്വേഷണം നടത്താമെന്ന ശുപാര്ശയും വിജിലന്സ് നല്കുന്നുണ്ട്.
1987 ബാച്ച്കാരനായ ടോമിന് ജെ തച്ചങ്കരി ന് ഡിജിപി ആയി ദിവസങ്ങള്ക്ക് മുമ്പ് സര്ക്കാര് സ്ഥാനക്കയറ്റം നല്കിയിരുന്നു. റോഡ് സേഫ്റ്റി കമ്മീഷ്ണറായിരുന്ന ശങ്കര് റെഡ്ഢി വിരമിക്കുന്ന ഒഴിവിലേക്കാണ് തച്ചങ്കരിക്ക് സ്ഥാനക്കയറ്റം ലഭിത്. നിലവില് ക്രൈം ബ്രാഞ്ച് മേധാവിയാണ് ടോമിന് ജെ തച്ചങ്കരി. ലോക്നാഥ് ബെഹ്റ കഴിഞ്ഞാല് സംസ്ഥാനത്തെ ഏറ്റവും സീനിയറായ ഐപിഎസ് ഉദ്യോഗസ്ഥനാണ്. സംസ്ഥാന പോലീസ് മേധാവി ലോക്നാഥ് ബെഹ്റ ഉള്പ്പെടെ നാലു ഡിജിപിമാരാണ് സംസ്ഥാനത്തുള്ളത്. ഋഷിരാജ് സിങ്,ആര്.ശ്രീലേഖ എന്നിവരാണു മറ്റു ഡിജിപിമാര്. തച്ചങ്കരിക്കു 3 വര്ഷത്തെ സര്വീസ് കൂടിയുണ്ട്. അതുകൊണ്ടു തന്നെ ലോക്നാഥ് ബെഹ്റ സ്ഥനാമൊഴിയുമ്പോള് സംസ്ഥാന പോലീസ് മേധാവി സ്ഥാനത്തേക്ക് ഏറ്റവും അധികം പരിഗണിക്കുന്നതും ടോമിന് ജെ. തച്ചങ്കരിയെ തന്നെയാണ്. ക്ലീന് ചിറ്റ് കൂടിയ ലഭിച്ചതിനാല് അതില് ഇനിയൊരു മാറ്റമുണ്ടാകുമെന്ന് തോന്നുന്നില്ല.
https://www.facebook.com/Malayalivartha
