നടന്‍ പൃഥ്വിരാജിന്റേയും സുപ്രിയയുടേയും മകള്‍ അലംകൃതയുടെ പേരിൽ വ്യാജ ഇന്‍സ്റ്റഗ്രാം അക്കൗണ്ട് .  അക്കൗണ്ടിനെതിരെ രംഗത്തെത്തിയിരിക്കുകയാണ്പൃഥ്വിരാജ് . അല്ലി പൃഥ്വിരാജ് എന്ന പേരിലാണ് വ്യാജ പ്രൊഫൈല്‍ തുടങ്ങിയിരിക്കുന്നത്. പ്രൊഫൈല്‍ മാനേജ് ചെയ്യുന്നത് സുപ്രിയയും പൃഥ്വിയുമാണെന്നും ബയോയില്‍ പറയുന്നു.

പൊഫൈല്‍ വ്യാജമാണെന്നും, ആറ് വയസുകാരിയായ മകള്‍ക്ക് സോഷ്യല്‍ മീഡിയയുടെ ആവശ്യം ഇല്ലെന്നും, പ്രായമാകുമ്ബോള്‍ അതേക്കുറിച്ച്‌ അവള്‍ക്ക് സ്വയം തീരുമാനമെടുക്കാമെന്നും പൃഥ്വി ഇന്‍സ്റ്റഗ്രാം പോസ്റ്റിലൂടെ വ്യക്തമാക്കി. ആരും വഞ്ചിതരാകരുതെന്നും താരം കൂട്ടിട്ടേര്‍ത്തു.

നടന്‍ പൃഥ്വിരാജിന്റേയും സുപ്രിയയുടേയും മകള്‍ അലംകൃത മലയാളികള്‍ക്ക് പ്രിയങ്കരിയാണ്. താരപുത്രിയുടെ വിശേഷങ്ങളറിയാന്‍ പൃഥ്വിയുടെ ആരാധകര്‍ ശ്രമിക്കാറുമുണ്ട്. മകളുടെ വിശേഷങ്ങളൊക്കെ ഇരുവരും പങ്കുവയ്ക്കാറുണ്ട് . എങ്കിലും വളരെ അപൂര്‍വമായി മാത്രമേ കുട്ടിയുടെ ചിത്രം സോഷ്യല്‍ മീഡിയയില്‍ പോസ്റ്റ് ചെയ്യാറുള്ളൂ എന്ന കാര്യം ശ്രദ്ധേയമാണ് .