ദേശീയപാതയില്‍ നിര്‍ത്തിയിട്ടിരുന്ന ടാങ്കര്‍ ലോറിയിലേക്ക് വാന്‍ ഇടിച്ചു കയറി ഡ്രൈവര്‍ക്ക് പരിക്ക്. എറണാകുളം വടുതല സ്വദേശി കിരണി(25)നാണ് പരിക്കേറ്റത്. മുക്കാല്‍ മണിക്കൂറോളം കാബിനില്‍ കിരണ്‍ കുടുങ്ങിക്കിടന്നു. തുടര്‍ന്ന് കാബിന്‍ പൊളിച്ചാണ് പുറത്തെടുത്തത്.

നങ്ങ്യാര്‍കുളങ്ങര കവലയ്ക്കുസമീപം വ്യാഴാഴ്ച രാത്രി 9.45-നായിരുന്നു അപകടം.എറണാകുളം ഭാഗത്തേക്ക് പോയ ടാങ്കര്‍ലോറി റോഡരികില്‍ നിര്‍ത്തിയിട്ടിരിക്കുകയായിരുന്നു. പിന്നാലെയെത്തിയ വാന്‍ നിയന്ത്രണംവിട്ട് ടാങ്കറിനു പിന്നില്‍ ഇടിക്കുകയായിരുന്നു. ഹൈവേ പോലീസും ഹരിപ്പാട് എമര്‍ജന്‍സി റസ്‌ക്യൂ ടീമും അഗ്‌നിരക്ഷാസേനയും രക്ഷാപ്രവര്‍ത്തം നടത്തിയത്. കാലിനും വയറിനും പരിക്കേറ്റ ഡ്രൈവറെ ആശുപത്രിയില്‍ പ്രവേശിപ്പിച്ചു.