നെയ്യാറ്റിന്കരയില് ആനയെ ക്ഷേത്രത്തിലേക്ക് കൊണ്ടു വരവേ പാപ്പാനെ തൂക്കിയെറിഞ്ഞു.... പാപ്പാന് ദാരുണാന്ത്യം
നെയ്യാറ്റിന്കരയില് ആനയെ ക്ഷേത്രത്തിലേക്ക് കൊണ്ടു വരവേ പാപ്പാനെ തൂക്കിയെറിഞ്ഞു...ആയയില് കരിയിലക്കുളങ്ങര ഭഗവതി ക്ഷേത്ര വളപ്പില് ഇടഞ്ഞ കൊമ്പനാന പാപ്പാനെ തുമ്പിക്കൈ കൊണ്ട് തൂക്കിയെറിഞ്ഞു. കൊല്ലം ചാത്തന്നൂര് സ്വദേശി വിഷ്ണു(25) ആണ് മരിച്ചത്.
ഗൗരി നന്ദന് എന്ന ആനയാണ് രണ്ടാം പാപ്പാന് വിഷ്ണുവിനെ ആയയില് ക്ഷേത്ര വക ആനയാണ് ആക്രമണം നടത്തിയത്. ക്ഷേത്രത്തിന് സമീപത്തെ സ്വകാര്യ പുരയിടത്താണ് പതിവായി ആനയെ കെട്ടുന്നത്. ക്ഷേത്രത്തിലേക്ക് കൊണ്ടുവരുന്നതിന് ഇടയിലായിരുന്നു സംഭവമുണ്ടായത്.
ഇന്നലെ വൈകുന്നേരം ക്ഷേത്രത്തിനു മുന്നില് ആനയെ എത്തിച്ചപ്പോള് ചെറുപ്പക്കാര് മൊബൈലില് ആനയുടെ ഫോട്ടോയെടുക്കുന്നതിനിടെയാണ് സംഭവം. പ്രകോപിതയായ ആന പാപ്പാനെ തൂക്കിയെറിഞ്ഞു. നിലത്തു വീണ പാപ്പാന് ഒഴിഞ്ഞു മാറാന് ശ്രമിച്ചെങ്കിലും പിന്നാലെ ചെന്ന് ചുമരില് ചേര്ത്ത് ഞെരുക്കി. അബോധാവസ്ഥയില് വീണ പാപ്പാനെ ഉടന് ആശുപത്രിയില് എത്തിച്ചെങ്കിലും രക്ഷിക്കാനായില്ല.
ആന ക്ഷേത്ര പരിസരത്ത് പാര്ക്ക് ചെയ്തിരുന്ന വാഹനങ്ങള് തകര്ത്തശേഷം അരകിലോമീറ്ററോളം സഞ്ചരിച്ച് ഒരു വീട്ടുവളപ്പില് നിന്നു. ഒടുവില് പരുത്തിപ്പള്ളി ഫോറസ്റ്റ് റേഞ്ച് ഉദ്യോഗസ്ഥരും എലിഫന്റ് സ്വാക്ഡും രണ്ടാം പാപ്പാനും ചേര്ന്ന് സമീപത്തെ മരത്തില് തളച്ചു.
"
https://www.facebook.com/Malayalivartha