കെഎസ്ആര്ടിസിയുടെ കെ സ്വിഫ്റ്റ് കമ്ബനി രൂപീകരണക്കുന്നതില് തൊഴിലാളി യൂണിയന് ചര്ച്ചയില് ധാരണയായില്ല
കെഎസ്ആര്ടിസി ദീര്ഘദൂര ബസുകളുടെ നടത്തിപ്പിന് വേണ്ടി കെ സ്വിഫ്റ്റ് കമ്ബനി രൂപീകരണത്തിന് തൊഴിലാളി സംഘടനകളുടെ പിന്തുണ തേടിയായിരുന്നു യോഗം വിളിച്ചു. എന്നാല് കമ്ബനി രൂപീകരണക്കുന്നതില് തൊഴിലാളി യൂണിയന് ചര്ച്ചയില് ധാരണയായില്ല. കെഎസ്ആര്ടിസി എംപാനല് ജീവനക്കാരെ സ്ഥിരപ്പെടുത്താന് ചര്ച്ചയില് ധാരണയായി. എംഡിയുടെ വിവാദ പരാമര്ശങ്ങളില് തുടര് പ്രതിഷേധങ്ങള് വേണ്ടന്നും യൂണിയനുകള് തീരുമാനിച്ചു.
കെഎസ്ആര്ടിസിയ്ക്ക് സമാന്തരമായി മറ്റൊരു കമ്ബനി രൂപീകരിക്കേണ്ട ആവശ്യമില്ലെന്നും, തീരുമാനം കെഎസ്ആര്ടിസിയെ തകര്ക്കുമെന്നും ബിഎംഎസ് പ്രതിനിധി വികെ അനില്കുമാര് പ്രതികരിച്ചു. പിന്വാതില് നിയമനത്തിനാണ് പുതിയ കമ്ബനി രൂപീകരണമെന്നും ശക്തമായി എതിര്ക്കുമെന്നും ഐഎന്ടിയുസി നേതാവ് ആര് ശശിധരന് പറഞ്ഞു.
കമ്ബനി രൂപീകരണത്തെ സിഐടിയു എതിര്ത്തില്ല. എന്നാല് നടത്തിപ്പ് ചുമതല, വാരുമാനം കൈകാര്യം ചെയ്യല് എന്നിവയില് കൂടുതല് ചര്ച്ച വേണമെന്ന് സിഐടിയു നിലപാട് എടുത്തു. കെഎസ്ആര്ടിസി നിലവിലെ നയത്തിന് എതിരാകാത്ത ഏത് പ്രവര്ത്തനങ്ങളെയും പിന്തുണയ്ക്കുമെന്ന് സിഐടിയു പ്രതിനിധി ഹരികൃഷ്ണന് പറഞ്ഞു.
കെഎസ്ആര്ടിസിയിലെ പത്ത് വര്ഷവും, വര്ഷത്തില് 120 ദിവസത്തെ അറ്റന്ഡന്സും ഉള്ള താത്കാലിക ജീവനക്കാരെ സ്ഥിരപ്പെടുത്താന് ധാരണയായി. മുവായിരത്തോളം പേര്ക്ക് സ്ഥിരനിയമനം ലഭിച്ചേക്കും. നിലവില് പിഎസ്സി ലിസ്റ്റില്പ്പെട്ട എം പാനല് ജീവനക്കാരെയും സ്ഥിരപ്പെടുത്തും. വിവാദ പ്രസ്താവന എല്ലാ ജീവനക്കാരെയും കുറിച്ചല്ല എന്ന് യോഗത്തില് എംഡി വ്യക്തമാക്കി. ഇതോടെ പ്രസ്താവന സംബന്ധിച്ച പ്രതിഷേധങ്ങള് അവസാനിപ്പിക്കാനും സംഘടനകള് തീരുമാനിച്ചു.
https://www.facebook.com/Malayalivartha