പത്ത്, പ്ലസ്ടു ക്ലാസുകളിലെ സിലബസ് വെട്ടിച്ചുരുക്കില്ലെന്ന് ആവര്ത്തിച്ച് വിദ്യാഭ്യാസമന്ത്രി.... പുതിയ പരീക്ഷാരീതിയില് കൂടുതല് ചോദ്യങ്ങളുണ്ടാകും... താത്പര്യമുള്ള എത്ര ചോദ്യത്തിനും ഉത്തരമെഴുതാം
പത്ത്, പ്ലസ്ടു ക്ലാസുകളിലെ സിലബസ് വെട്ടിച്ചുരുക്കില്ലെന്ന് ആവര്ത്തിച്ച് വ്യക്തമാക്കി വിദ്യാഭ്യാസമന്ത്രി. സി. രവീന്ദ്രനാഥ്. അങ്ങനെ ചെയ്യുന്നതു കുട്ടികളോടുള്ള അനീതിയാകുമെന്നും മന്ത്രി നിയമസഭയില് പറഞ്ഞു. സിലബസ് ചുരുക്കിയാല് ഒഴിവാക്കപ്പെടുന്ന മേഖലകളെക്കുറിച്ച് വിദ്യാര്ഥികള്ക്ക് അറിവ് ലഭിക്കില്ല. ഇത് തുടര്പഠനത്തില് ബുദ്ധിമുട്ട് സൃഷ്ടിക്കും.
എസ്.എസ്.എല്.സി, പ്ലസ്ടു പരീക്ഷാത്തീയതികള് മാറ്റില്ലെന്നും മന്ത്രി വ്യക്തമാക്കി. മാര്ച്ച് 17-20 വരെയാകും പൊതുപരീക്ഷകള്. കോവിഡ് കാലത്തു പുതിയൊരു പരീക്ഷാരീതിയാണു വികസിപ്പിക്കുന്നത്. കുട്ടികള്ക്ക് എന്തറിയില്ല എന്നതിനേക്കാള് എന്തറിയാം എന്ന സമീപനമാകും െകെക്കൊള്ളുക. പുതിയ പരീക്ഷാരീതിയില് കൂടുതല് ചോദ്യങ്ങളുണ്ടാകും.
താത്പര്യമുള്ള എത്ര ചോദ്യത്തിനു വേണമെങ്കിലും ഉത്തരമെഴുതാം. പരീക്ഷയ്ക്കു ചോദ്യങ്ങള് വരുന്ന ഓരോ അധ്യായത്തിലെയും പ്രധാനഭാഗം പ്രസിദ്ധീകരിച്ചിട്ടുണ്ട്. അവിടെനിന്നായിരിക്കും പ്രധാനമായും ചോദ്യങ്ങള്. ആകെ വിഷയം സംബന്ധിച്ചും പ്രധാനമേഖലകളെക്കുറിച്ചും ഡിജിറ്റല് ക്ലാസുകള് നടത്തിയിട്ടുണ്ട്.
പ്രധാനമേഖലകളെക്കുറിച്ചു വീണ്ടും ക്ലാസ് നടത്തും. മോഡല് പരീക്ഷയുണ്ടാകും. വിദ്യാര്ഥിസൗഹൃദപരീക്ഷയാകും നടത്തുക. അഭിരുചിക്കും താത്പര്യത്തിനുമനുസരിച്ച് പരീക്ഷ എഴുതുന്നതിലാണ് ഊന്നല്. ചോദ്യമാതൃക ഉടന് പ്രസിദ്ധീകരിക്കുമെന്നും മന്ത്രി പറഞ്ഞു.
"
https://www.facebook.com/Malayalivartha