സി.പി.എമ്മും ബി.ജെ.പിയും വര്ഗീയ കാര്ഡിറക്കി തിരഞ്ഞെടുപ്പിനെ നേരിടുകയാണ്; എല്ലാ മതവിഭാഗങ്ങളുടേയും ആശങ്ക കോണ്ഗ്രസ് പരിഹരിക്കുമെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്
സി.പി.എമ്മും ബി.ജെ.പിയും വര്ഗീയ കാര്ഡിറക്കി തിരഞ്ഞെടുപ്പിനെ നേരിടുകയാണെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് മാദ്ധ്യമങ്ങളോട് പറഞ്ഞു. തീവ്രവര്ഗീയത ഇളക്കിവിടാനാണ് സി.പി.എമ്മിന്റെയും ബി.ജെ.പിയുടെയും ശ്രമം. തിരഞ്ഞെടുപ്പില് ജനങ്ങള്ക്ക് മുന്നില് ഒന്നും പറയാനില്ലാത്തതിനാലാണ് ബി.ജെ.പി ലൗ ജിഹാദ് വിഷയം ഉയര്ത്തുന്നത്. എല്ലാ മതവിഭാഗങ്ങളുടേയും ആശങ്ക കോണ്ഗ്രസ് പരിഹരിക്കും.
സി.പി.എമ്മും കോണ്ഗ്രസും തമ്മില് ധാരണയുണ്ടാക്കിയെന്ന കേന്ദ്രമന്ത്രി വി. മുരളീധരന്റെ പ്രസ്താവന നുണപ്രചാരണമാണ്. സി.പി.എമ്മും ബി.ജെ.പിയും തമ്മിലുള്ള പരസ്പര ധാരണ തദ്ദേശതിരഞ്ഞെടുപ്പില് പ്രതിഫലിച്ചതാണ്. തില്ലങ്കേരി മോഡല് ധാരണ സംസ്ഥാനം മുഴുവന് വ്യാപിപ്പിക്കാനാണ് ഇരുകൂട്ടരുടേയും ശ്രമം. പി.സി. ജോര്ജിന്റെ ആക്ഷേപങ്ങള്ക്ക് മറുപടി പറയാനില്ല.
യു.ഡി.എഫിന്റെ സീറ്റ് വിഭജനം അന്തിമഘട്ടത്തിലാണ്. ഘടകകക്ഷികളുമായി ചര്ച്ച പൂര്ത്തിയാക്കി. കേരള കോണ്ഗ്രസ് നേതാവ് പി.ജെ. ജോസഫ് ആശുപത്രിയിലായതിനാലാണ് അവരുമായി ചര്ച്ച പൂര്ത്തിയാക്കാന് സാധിക്കാത്തത്.
മാര്ച്ച് ആദ്യവാരം കോണ്ഗ്രസിന്റെ അന്തിമ സ്ഥാനാര്ത്ഥി പട്ടിക ഹൈക്കമാന്ഡിന് സമര്പ്പിക്കും. നേമത്തും വട്ടിയൂര്ക്കാവിലും ഉള്പ്പെടെ ബി.ജെ.പിക്കും സി.പി.എമ്മിനും വെല്ലുവിളി ഉയര്ത്തുന്ന മികച്ച സ്ഥാനാര്ത്ഥികള് ഉണ്ടാകുമെന്നും മുല്ലപ്പള്ളി പറഞ്ഞു.
https://www.facebook.com/Malayalivartha
