കൊവിഡ് വ്യാപനത്തിന്റെ രണ്ടാംതരംഗം സംസ്ഥാനത്ത് ശക്തിപ്രാപിക്കുന്നതിനാല് നിയന്ത്രണങ്ങള് കര്ശനമാക്കി സര്ക്കാര് ഉത്തരവിറക്കി... രോഗവ്യാപനം വര്ദ്ധിക്കുന്ന സ്ഥലങ്ങളില് നിരോധനാജ്ഞ പ്രഖ്യാപിക്കും
കൊവിഡ് വ്യാപനത്തിന്റെ രണ്ടാംതരംഗം സംസ്ഥാനത്ത് ശക്തിപ്രാപിക്കുന്നതിനാല് നിയന്ത്രണങ്ങള് കര്ശനമാക്കി സര്ക്കാര് ഉത്തരവിറക്കി. ടെസ്റ്റ് പോസിറ്റിവിറ്റിയുടെ അടിസ്ഥാനത്തില് രോഗവ്യാപനം വര്ദ്ധിക്കുന്ന സ്ഥലങ്ങളില് നിരോധനാജ്ഞ പ്രഖ്യാപിക്കാന് കളക്ടര്മാര്ക്ക് അധികാരം നല്കി.
ആളുകള് കൂടുന്ന ഇഫ്താര് പാര്ട്ടികള് ഒഴിവാക്കാന് മതനേതാക്കളും ജില്ലാ അധികാരികളും ശ്രദ്ധിക്കണം. പൊതുപരിപാടികളില് 200പേര്ക്കാണ് അനുമതി. അടച്ചിട്ടമുറിയിലാണെങ്കില് 100 പേരില് കൂടുതല് പാടില്ല.
72 മണിക്കൂറിനുള്ളിലെ കൊവിഡ് പരിശോധന നെഗറ്റീവ് ആയ സര്ട്ടിഫിക്കറ്റ് ഹാജരാക്കുന്നവര്ക്കും കൊവിഡ് വാക്സിന്റെ ആദ്യ ഡോസെങ്കിലും എടുത്ത സര്ട്ടിഫിക്കറ്റുള്ളവര്ക്കും അധികമായി പ്രവേശനം അനുവദിക്കാം.
കൂടുതല് പേരെ പങ്കെടുപ്പിക്കണമെങ്കില് സംഘാടകര് പ്രത്യേക സംവിധാനം ഏര്പ്പെടുത്തണം.വിവാഹം, മരണാനന്തര ചടങ്ങുകള്, ആഘോഷങ്ങള്, കലാകായികമേളകള്, സാംസ്കാരിക പരിപാടികള് തുടങ്ങിയവയ്ക്ക് നിയന്ത്രണം ബാധകമാണ്. എല്ലാ ചടങ്ങുകളും രണ്ടു മണിക്കൂറിനുള്ളില് അവസാനിപ്പിക്കണം.
മാത്രവുമല്ല ബസുകളില് നിന്നുള്ള യാത്ര പാടില്ല. ഉറപ്പാക്കേണ്ടത് മോട്ടോര് വാഹന വകുപ്പ്യോഗങ്ങള് ഓണ്ലൈനില് നടത്തണം ആശുപത്രികളിലെ തിരക്ക് ഒഴിവാക്കണം.
ഇസഞ്ജീവനി ടെലിമെഡിസിന് പ്രയോജനപ്പെടുത്തണം. വ്യാപാരസ്ഥാപനങ്ങളും ഹോട്ടലുകളും ഹോംഡെലിവറിയും പ്രോത്സോഹിപ്പിക്കണം.സിനിമാ തിയേറ്ററുകളും ഹോട്ടലുകളും ഒരേസമയം അമ്പത് ശതമാനം ആളുകളെ മാത്രമേ പ്രവേശിക്കാവൂ.
തെര്മല് സ്ക്രീനിംഗ് നടത്തണം സിവില് സപ്ലൈസ്, ഹോര്ട്ടികോര്പ്, കെപ്കോ, മത്സ്യഫെഡ്, മില്മ തുടങ്ങിയ സര്ക്കാര് സ്ഥാപനങ്ങള് ഓണ്ലൈന് വില്പ്പനയും ഹോംഡെലിവറിയും പ്രോത്സാഹിപ്പിക്കണം.
മെഗാഷോപ്പിംഗും ഷോപ്പിംഗ് ഫെസ്റ്റിവലും രണ്ടാഴ്ചത്തേക്ക് നീട്ടിവയ്ക്കണം എ.സി. സംവിധാനമുള്ള മാളുകള്, തിയേറ്ററുകള്, ഓഡിറ്റോറിയങ്ങള് കൊവിഡ് പ്രോട്ടോക്കോള് കര്ശനമായി പാലിക്കണം.
https://www.facebook.com/Malayalivartha
