സ്വകാര്യ ആശുപത്രികള്‍ 25 ശതമാനം കിടക്കകള്‍ കോവിഡ് ചികിത്സയ്ക്കായി മാറ്റിവയ്ക്കണമെന്ന് മുഖ്യമന്ത്രി പിണറായി വിജയന്‍ അറിയിച്ചു. സ്വകാര്യ ആശുപത്രികള്‍ ചികിത്സയ്ക്ക് അമിത നിരക്ക് ഈടാക്കരുതെന്നും അറിയിച്ചു. കിടക്കകളുടെ എണ്ണം സാഹചര്യം അനുസരിച്ച് വര്‍ദ്ധിപ്പിക്കണമെന്നും അദ്ദേഹം ആശുപത്രി മാനേജ്‌മെന്റുകളോട് ആവശ്യപ്പെട്ടു. ഐസിയു കിടക്കകളും വെന്റിലേറ്ററുകളും പരമാവധി സജ്ജമാക്കണം. ഗുരുതര രോഗികള്‍ക്ക് മാത്രമായി ഐസിയുവിലെ കിടക്കകള്‍ പരിമിതപ്പെടുത്തണമെന്നും അദ്ദേഹം പറഞ്ഞു. അറ്റകുറ്റപ്പണികള്‍ ഐസിയുകളില്‍ ഉണ്ടെങ്കില്‍ ഉടന്‍ തീര്‍ക്കണമെന്നും അദ്ദേഹം അറിയിച്ചു. അനാവശ്യമായി ഐസിയു നിറഞ്ഞുപോകുന്നുണ്ടോയെന്ന് പരിശോധിക്കണമെന്നും മുഖ്യമന്ത്രി സ്വകാര്യ ആശുപത്രികളോട് ആവശ്യപ്പെട്ടു.