ഭാര്യയുടെ രഹസ്യബന്ധം ഭര്ത്താവ് ചോദ്യം ചെയ്തു...ഭര്ത്താവിനെ ഭാര്യയും കാമുകനും ചേര്ന്ന് കൊലപ്പെടുത്തി
തേനി ജില്ലയിലെ കുള്ളപ്പഗൗണ്ടന്പെട്ടിയില് ഭാര്യയുടെ രഹസ്യബന്ധം ഭര്ത്താവ് ചോദ്യം ചെയ്തതിന് പിന്നാലെ ഭാര്യയും കാമുകനും ചേര്ന്ന് ഭര്ത്താവിനെ കഴുത്തുഞെരിച്ച് കൊലപ്പെടുത്തി. വെള്ളിയാഴ്ച രാത്രിയായിരുന്നു സംഭവം. കൊലയാളികളെ ശനിയാഴ്ച വൈകീട്ടോടെ തേനി ഇന്സ്പെക്ടര് ജയിംസ് ജയരാജും സംഘവും അറസ്റ്റ് ചെയ്തു. സ്വകാര്യ ധനകാര്യ സ്ഥാപനത്തിലെ ജീവനക്കാരനായിരുന്ന അരുണ്കുമാറാണ് (37) കൊല്ലപ്പെട്ടത്. അരുണ്കുമാറിന്റെ ഭാര്യ വൈഷ്ണവി (25), കാമുകന് ജയചന്ദ്രന് (27) എന്നിവരാണ് അറസ്റ്റിലായത്. വൈഷ്ണവിയും ജയചന്ദ്രനുമായുള്ള രഹസ്യബന്ധം അരുണ്കുമാര് ചോദ്യംചെയ്തത് വഴക്കിനിടയാക്കി. വെള്ളിയാഴ്ച രാവിലെയും ഇതുസംബന്ധിച്ച് തര്ക്കമുണ്ടായതോടെ വൈഷ്ണവി കാമുകന് ജയചന്ദ്രനെ വിവരമറിയിക്കുകയായിരുന്നു. ഇരുവരും ചേര്ന്ന് വൈകീട്ട് ഓഫിസ് വിട്ടുവരുന്ന അരുണ്കുമാറിനെ കൊലപ്പെടുത്തുകയായിരുന്നെന്ന് പൊലീസ് പറഞ്ഞു.ശ്വാസം മുട്ടി മരിച്ചെന്ന് അയല്വാസികളെ അറിയിക്കാന് വൈഷ്ണവി പോയതോടെ ജയചന്ദ്രന് സ്ഥലം വിട്ടു. മരണം കോവിഡ് മൂലമാണെന്ന് വരുത്തി തീര്ത്ത് രക്ഷപ്പെടുകയായിരുന്നു പദ്ധതി. എന്നാല്, ഓടിയെത്തിയ അയല്വാസികള് സംശയം തോന്നി പൊലീസില് വിവരം അറിയിച്ചതോടെയാണ് കൊലപാതകം വ്യക്തമായത്. സംഭവത്തെ തുടര്ന്ന് ഒളിവില് പോയ ജയചന്ദ്രനെയും കുടുംബവീട്ടിലേക്ക് പോയ വൈഷ്ണവിയെയും പൊലീസ് അറസ്റ്റ് ചെയ്തു.
https://www.facebook.com/Malayalivartha
