സംസ്ഥാനത്ത് നിര്ത്തിവച്ചിരുന്ന സിനിമ ഷൂട്ടിംഗ് നാളെ മുതല് വീണ്ടും ആരംഭിക്കും
സംസ്ഥാനത്ത് കൊവിഡ് നിയന്ത്രണങ്ങളുടെ ഭാഗമായി നിര്ത്തിവച്ചിരുന്ന സിനിമ ഷൂട്ടിംഗ് നാളെ മുതല് വീണ്ടും ആരംഭിക്കും. സിനിമ ചിത്രീകരണത്തിനായുള്ള മാര്ഗരേഖ പുറത്തിറക്കിയിട്ടുണ്ട്. കേരളത്തില് ചിത്രീകരണം നടക്കുന്ന ചലച്ചിത്രങ്ങള്, ഒ.ടി.ടി പ്ലാറ്റ്ഫോം ഉള്പ്പെടെയുള്ള എല്ലാ മേഖലക്കും ഈ മാര്ഗ രേഖ ബാധകമായിരിക്കും.
സിനിമ ചിത്രീകരണസംഘത്തില് 50 പേര് മാത്രമേ പങ്കെടുക്കാവൂ. സിനിമാ സംഘത്തിലുള്ളവര് ലൊക്കേഷനില് നിന്ന് പുറത്ത് പോകാന് പാടില്ല. ലൊക്കേഷനിലെത്തുന്ന സന്ദര്ശകര്ക്കും കോവിഡ് ടെസ്റ്റ് നിര്ബന്ധമാണ്. സിനിമ ചിത്രീകരിക്കുന്നവര് സംഘടനകള്ക്ക് സത്യവാങ്മൂലം നല്കണമെന്നും മാര്ഗ നിര്ദേശത്തില് പറയുന്നു.
ഷൂട്ടിംഗില് പങ്കെടുക്കുന്നതിന് നാല്പത്തിയെട്ട് മണിക്കൂര് മുമ്ബുള്ള ആര് ടി പി സി ആര് പരിശോധന ഫലം,രണ്ട് ഡോസ് വാക്സീന് സ്വീകരിച്ചതിന്റെ സര്ട്ടിഫിക്കറ്റ്,ലൊക്കേഷന് വിശദാംശങ്ങള് എന്നിവ പ്രൊഡ്യൂസേഴ്സ് അസോസിയേഷന്,ഫെഫ്ക എന്നിവയിലേക്ക് മെയില് ആയി അയയ്ക്കണം.എന്നും രാവിലെ ലൊക്കേഷനിലെ എല്ലാവരുടെയും ശരീര ഊഷ്മാവ് പരിശോധിക്കണം.സന്ദര്ശകരെ പരമാവധി ഒഴിവാക്കണം.ലൊക്കേഷന് സ്ഥലത്ത് നിന്നോ താമസ സ്ഥലത്തു നിന്നോ പുറത്തു പോകരുതെന്നും മാര്ഗനിര്ദേശത്തില് പറയുന്നു.എല്ലാവരും മാസ്ക് നര്ബന്ധമായും ധരിക്കണം.
https://www.facebook.com/Malayalivartha
