കോവിഡ് പ്രതിസന്ധി രൂക്ഷമായി..... കട തുറക്കാനായില്ല... കടബാദ്ധ്യതയേറി... മാനസികമായി തകര്ന്ന ബേക്കറിയുടമ കടയിലെത്തി ... ആറ് മണിയായിട്ടും ഷട്ടര് ഉയര്ത്താത്തതിനെ തുടര്ന്ന് സമീപത്തുള്ളവര് കടയില് നോക്കിയപ്പോള് കണ്ടത് ഞെട്ടിക്കുന്ന കാഴ്ച......
കോവിഡ് പ്രതിസന്ധി രൂക്ഷമായി..... കട തുറക്കാനായില്ല... കടബാദ്ധ്യതയേറി... മാനസികമായി തകര്ന്ന ബേക്കറിയുടമ കടയിലെത്തി ... ആറ് മണിയായിട്ടും ഷട്ടര് ഉയര്ത്താത്തതിനെ തുടര്ന്ന് സമീപത്തുള്ളവര് കടയില് നോക്കിയപ്പോള് കണ്ടത് ഞെട്ടിക്കുന്ന കാഴ്ച.
അടിമാലി ഇരുമ്പുപാലത്ത് ബേക്കറിയും ടീ സ്റ്റാളും നടത്തിയിരുന്ന ഒഴുവത്തടം പുലരിമലയില് വിനോദാണ് (55) കടയില് തൂങ്ങി മരിച്ചത്. ഇന്നലെ പുലര്ച്ചെ കടയിലെത്തിയ വിനോദ് ആറ് മണിയായിട്ടും ഷട്ടര് ഉയര്ത്തിയില്ല. സമീപത്തുള്ളവര് കടയില് നോക്കിയപ്പോള് വാഴക്കുല തൂക്കിയിടുന്ന പൈപ്പില് ഉടുമുണ്ടില് തൂങ്ങിയ നിലയില് കണ്ടെത്തുകയായിരുന്നു
പത്ത് വര്ഷത്തിലധികമായി ബേക്കറി നടത്തുന്ന വിനോദിന് 20 ലക്ഷത്തോളം രൂപയുടെ സാമ്പത്തിക ബാദ്ധ്യതയുണ്ടെന്ന് ബന്ധുക്കള് പറഞ്ഞു. ഭൂമിയ്ക്ക് പട്ടയമില്ലാത്തതിനാല് ബാങ്ക് വായ്പ ലഭിച്ചില്ല.
സ്വകാര്യ പണമിടപാട് സ്ഥാപനങ്ങളില് നിന്നായിരുന്നു വായ്പ. നല്ല രീതിയില് കച്ചവടം നടന്നിരുന്ന സ്ഥാപനമായിരുന്നതിനാല് കൃത്യമായി വായ്പ അടച്ചിരുന്നു. അടിമാലി പഞ്ചായത്തില് ആഴ്ചയില് ഒരു ദിവസമാണ് കടകള് തുറക്കുന്നത്. വ്യാപാരമില്ലാതായതിനിടെ വീടു പണികൂടി ആരംഭിച്ചു. അതോടെ ബാദ്ധ്യത വര്ദ്ധിച്ചു.
വായ്പ തിരിച്ചടയ്ക്കാന് പലരില് നിന്നായി വാങ്ങിയ വലിയ തുക തിരികെ കൊടുക്കാന് സാധിക്കാത്തതിനാല് വിനോദ് മാനസികമായി ബുദ്ധിമുട്ടിലായിരുന്നു. അടുത്തിടെ കൊവിഡ് പിടിപ്പെട്ട് ഒരു മാസത്തോളം കട തുറക്കാനായില്ല.
ഇത് വലിയ സാമ്പത്തിക ബാദ്ധ്യത വരുത്തിവച്ചു.അടിമാലി പോലീസ് മേല് നടപടി സ്വീകരിച്ചു. പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ട് നല്കിയ മൃതദേഹം വീട്ടുവളപ്പില് സംസ്കരിച്ചു.
"
https://www.facebook.com/Malayalivartha
