ബക്രീദ് നാളെ....ഇന്നത്തെ പൊതു അവധി നാളത്തേക്ക് മാറ്റി... സംസ്ഥാനത്തെ എല്ലാ സര്ക്കാര് ഓഫീസുകള്ക്കും പൊതുമേഖല സ്ഥാപനങ്ങള്ക്കും പ്രൊഫഷണല് കോളേജ് അടക്കമുള്ള വിദ്യാഭ്യാസ സ്ഥാപനങ്ങള്ക്കും ഇന്ന് പ്രവൃത്തിദിനം
ബക്രീദ് നാളെയായതിനാല് ഇന്നത്തെ പൊതു അവധി നാളത്തേക്ക് മാറ്റി സര്ക്കാര് ഉത്തരവിറക്കി.
സംസ്ഥാനത്തെ എല്ലാ സര്ക്കാര് ഓഫീസുകള്ക്കും പൊതുമേഖല സ്ഥാപനങ്ങള്ക്കും പ്രൊഫഷണല് കോളേജ് അടക്കമുള്ള വിദ്യാഭ്യാസ സ്ഥാപനങ്ങള്ക്കും നെഗോഷ്യബിള് ഇന്സ്ട്രുമെന്റ്സ് ആക്ടിന്റെ പരിധിയില് വരുന്ന സ്ഥാപനങ്ങള്ക്കും അവധി ബാധകമാണ്. ഇന്ന് പ്രവൃത്തിദിനമായിരിക്കും. സര്ക്കാര് കലണ്ടറില് ഇന്നാണ് അവധി നല്കിയിരുന്നത്.
അതേസമയം ബക്രീദിനോട് അനുബന്ധിച്ച് മൂന്ന് ദിവസം സംസ്ഥാനത്ത് കോവിഡ് നിയന്ത്രണങ്ങളില് ഇളവ് നല്കിയത് വിദഗ്ധരുമായി കൂടിയാലോചിച്ചശേഷമെന്ന് കേരളം സുപ്രീംകോടതിയില്. കോവിഡ് നിയന്ത്രണങ്ങള് കര്ശനമായി പാലിക്കുമെന്നും സര്ക്കാര് കോടതിയെ അറിയിച്ചു. ചില മേഖലകളില് മാത്രമാണ് വ്യാപാരികള്ക്ക് അനുമതി നല്കിയിക്കുന്നതെന്നും സംസ്ഥാന സര്ക്കാര് സുപ്രീംകോടതിയില് നല്കിയ വിശദീകരണത്തില് വ്യക്തമാക്കി.
ബക്രീദിന് ഇളവ് നല്കിയതിന് സര്ക്കാരിനോട് സുപ്രീംകോടതി വിശദീകരണം തേടിയിരുന്നു. ഇന്ന് തന്നെ വിശദീകരണം നല്കണമെന്നായിരുന്നു കോടതിയുടെ നിര്ദ്ദേശം. കൂടുതല് സമയം വേണമെന്ന കേരളത്തിന്റെ ആവശ്യം കോടതി നിരസിച്ചിരുന്നു. ഇതിനു പിന്നാലെയാണ് കേരളം വിശദീകരണം നല്കിയത്.
കേരളത്തിന്റെ വിശദീകരണം പരിശോധിച്ച ശേഷം ചൊവ്വാഴ്ച വാദം കേള്ക്കാമെന്ന് കോടതി ഹര്ജിക്കാരനെ അറിയിച്ചിരുന്നു. ഡല്ഹിയിലെ മലയാളി വ്യവസായിയായ പി.കെ.ഡി.നമ്പ്യാരാണ് നിയന്ത്രണങ്ങള് ചോദ്യം ചെയ്ത് കോടതിയെ സമീപിച്ചത്.
ഐഎംഎ ഉള്പ്പടെ എതിര്ത്തിട്ടും ചില സാമുദായിക താത്പര്യങ്ങള് മുന്നിര്ത്തിയാണ് സര്ക്കാര് ഇളവുകള് ഒഴിവാക്കിയതെന്ന് ഹര്ജിയില് പറയുന്നു. ഉത്തര്പ്രദേശില് കന്വാര് യാത്ര ഒഴിവാക്കിയതിന് സമാനമായി ബക്രീദ് ആഘോഷവും ഒഴിവാക്കണമെന്നും കേരളത്തില് ടെസ്റ്റ് പോസിറ്റിവിറ്റി നിരക്ക് പത്ത് ശതമാനത്തിന് മുകളിലാണെന്നുമാണ് ഹര്ജിയില്.
https://www.facebook.com/Malayalivartha
