ചരക്ക് വാഹനത്തില് രഹസ്യ അറ നിര്മിച്ച് കേരളത്തിലേക്ക് കഞ്ചാവ് കടത്തല് പതിവ്..... ഇന്റലിജന്സ് വിവരത്തിന്റെ അടിസ്ഥാനത്തില് നടത്തിയ പരിശോധനയില് പിടിയിലായത് രണ്ടു പേര്
ചരക്ക് വാഹനത്തില് രഹസ്യ അറ നിര്മിച്ച് കേരളത്തിലേക്ക് കഞ്ചാവ് കടത്തല് പതിവ്..... ഇന്റലിജന്സ് വിവരത്തിന്റെ അടിസ്ഥാനത്തില് നടത്തിയ പരിശോധനയില് പിടിയിലായത് രണ്ടു പേര്.
ഇതര സംസ്ഥാനങ്ങളില്നിന്ന് ചരക്ക് വാഹനത്തില് രഹസ്യ അറ നിര്മിച്ച് കേരളത്തിലേക്ക് കഞ്ചാവ് കടത്ത് പതിവാക്കിയ രണ്ടുപേര് നാര്കോട്ടിക് കണ്ട്രോള് ബ്യൂറോയുടെ (എന്.സി.ബി) പിടിയിലായി.
തിരുവനന്തപുരം കളീക്കാവിള സ്വദേശി എം. ശ്രീനാഥ്, വാഹനത്തിന്റെ െ്രെഡവറും ചെന്നൈ സ്വദേശിയുമായ ദുഭാഷ് ശങ്കര് എന്നിവരാണ് കഴിഞ്ഞ ദിവസങ്ങളില് അറസ്റ്റിലായത്. രഹസ്യ അറയില്നിന്ന് 327.87 കിലോ കഞ്ചാവാണ് എന്.സി.ബി പിടിച്ചെടുത്തത്.
ഇന്റലിജന്സ് വിവരത്തിന്റെ അടിസ്ഥാനത്തില് ചെന്നൈ യൂനിറ്റ് ശനിയാഴ്ച തമിഴ്നാട് ഉതുക്കോട്ടൈയില് നടത്തിയ വാഹന പരിശോധനയിലാണ് കഞ്ചാവ് പിടികൂടിയത്. 150 പാക്കറ്റുകളിലായാണ് കഞ്ചാവ് ഒളിപ്പിച്ചിരുന്നത്.
ആന്ധ്രയിലെ അന്നാവാരത്തുനിന്ന് ശേഖരിച്ച കഞ്ചാവ് തിരുവനന്തപുരത്ത് എത്തിക്കുകയായിരുന്നു ലക്ഷ്യം. ശങ്കറില്നിന്ന് ലഭിച്ച വിവരത്തിന്റെ അടിസ്ഥാനത്തില് എന്.സി.ബി കൊച്ചി യൂനിറ്റ് സൂപ്രണ്ട് ആഷിഷ് ഓജയുടെ നേതൃത്വത്തില് നടത്തിയ അന്വേഷണത്തിലാണ് ഞായറാഴ്ച തിരുവനന്തപുരത്തുവെച്ച് ശ്രീനാഥ് പിടിക്കപ്പെട്ടത്.
https://www.facebook.com/Malayalivartha
