കൈക്കൂലി ട്രാപ്പ് കേസില് എക്സിക്യൂട്ടീവ് എഞ്ചിനീയര്ക്ക് ജാമ്യമില്ല... പൊതുസേവകനെതിരെയുള്ള ആരോപണം ഗൗരവമേറിയതെന്ന് കോടതി
ട്രാപ്പിന് മുന്നോടിയായി വിജിലന്സ് ഓഫീസില് വച്ച് കരാറുകാരന് എന്ട്രസ്റ്റ്മെന്റ് മഹസറില് രേഖപ്പെടുത്തി ഫിനോഫ്തലിന് പൊടി വിതറി നല്കിയ അതേ കെണിപ്പണമാണ് പ്രതിയില് നിന്ന് രണ്ട് ഗസറ്റഡ് ഉദ്യോഗസ്ഥ സാക്ഷികളുടെ സാന്നിധ്യത്തില് കണ്ടെടുത്തതെന്ന് കോടതി
പൊതുസേവകനെതിരെയുള്ള ആരോപണം ഗൗരവമേറിയതെന്ന് കോടതി. കെണിപ്പണം വച്ച് കുടുക്കിയ കൈക്കൂലി ട്രാപ്പ് കേസില് റിമാന്റില് കഴിയുന്ന വാട്ടര് അതോറിറ്റി എക്സിക്യൂട്ടീവ് എഞ്ചിനീയര്ക്ക് ജാമ്യമില്ല.
കെണിപ്പണം വച്ച് കുടുക്കിയ കൈക്കൂലി ട്രാപ്പ് കേസില് റിമാന്റില് കഴിയുന്ന വാട്ടര് അതോറിറ്റി എക്സിക്യൂട്ടീവ് എഞ്ചിനീയര്ക്ക് ജാമ്യമില്ല. തലസ്ഥാനത്തെ വിജിലന്സ് കോടതിയാണ് പ്രതിയുടെ ജാമ്യഹര്ജി തള്ളിയത്.
വിജിലന്സ് ഓഫീസില് വച്ച് കരാറുകാരന് ഫിനോഫ്തലിന് പൊടി വിതറി നോട്ടു നമ്പരുകള് സഹിതം എന്ട്രസ്റ്റ്മെന്റ് മഹസറില് രേഖപ്പെടുത്തി നല്കിയ അതേ കെണിപ്പണമാണ് പ്രതിയില് നിന്ന് രണ്ട് ഗസറ്റഡ് ഉദ്യോഗസ്ഥ സാക്ഷികളുടെ സാന്നിധ്യത്തില് വിജിലന്സ് കണ്ടെടുത്തതെന്ന് കോടതി വിലയിരുത്തി.
അറസ്റ്റ് ചെയ്യുന്ന വേളയില് പ്രതിയുടെ കൈവിരലുകള് പൊട്ടാസ്യം പെര്മാംഗനേറ്റ് ലായനിയില് മുക്കിയപ്പോള് ലായനി പിങ്ക് നിറമായി മാറിയത് കൈക്കൂലിപ്പണം പ്രതി കൈപ്പറ്റിയതിനുള്ള ശാസ്ത്രീയമായ തെളിവാണ്.
പ്രതിയുടെ ഓഫീസില് വച്ച് പ്രതിയില് നിന്നും കെണിപ്പണം കണ്ടെടുത്ത് തയ്യാറാക്കിയ റിക്കവറി മഹസറിലും വിജിലന്സ് ഓഫീസില് വച്ച് പ്രതി ആവശ്യപ്പെടുമ്പോള് നല്കണമെന്ന് നിര്ദേശിച്ച് പരാതിക്കാരന് നല്കിയ അതേ നോട്ടു നമ്പരുകളാണ് വന്നിട്ടുള്ളത്. ട്രാപ്പിന് മുന്നോടിയായുള്ള നടപടികള് വിജിലന്സ് ഉദ്യോഗസ്ഥര് പാലിച്ചതായും കോടതി നിരീക്ഷിച്ചു.
പൊതുസേവകനായ പ്രതിക്കെതിരെയുള്ള ആരോപണം ഗൗരവമേറിയതാണ്. അന്വേഷണം പ്രാരംഭ ദിശയിലായതിനാല് പ്രതിക്ക് ജാമ്യത്തിനര്ഹതയില്ലെന്നും വ്യക്തമാക്കിയാണ് വിജിലന്സ് സ്പെഷ്യല് ജഡ്ജി എം.ബി. സ്നേഹലത പ്രതിക്ക് ജാമ്യം നിരസിച്ചത്.
പ്രതിയായ തിരുവനന്തപുരം പബ്ലിക് ഹെല്ത്ത് നോര്ത്ത് ഡിവിഷന് എക്സിക്യൂട്ടീവ് എഞ്ചിനീയര് ജോണ് കോശിക്കാണ് ജാമ്യം നിരസിച്ചത്. കരാറുകാരന്റെ ബില് തുക മാറി നല്കാന് 25,000 രൂപ കൈക്കൂലി ആവശ്യപ്പെട്ട് വാങ്ങിയ കേസിലാണ് സെപ്റ്റംബര് 14 ന് ഉച്ചയോടെ എഞ്ചിനീയര് അറസ്റ്റിലായത്.
തല്സമയം കോടതിയുടെ സെര്ച്ച് വാറണ്ട് ഉത്തരവ് പ്രകാരം എഞ്ചിനീയറുടെ വീട് റെയ്ഡ് ചെയ്ത തിരുവനന്തപുരം വിജിലന്സ് യൂണിറ്റ് ഒരു ലക്ഷത്തിലധികം രൂപ കണ്ടെടുത്ത് കോടതിയില് ഹാജരാക്കി.
2017-18 ലെ അമൃതം പദ്ധതി കരാര് പ്രകാരം ശ്രീകാര്യം ചെക്കാലമുക്ക് മുതല് സൊസൈറ്റി മുക്ക് വരെ പൈപ്പുകള് മാറ്റിയ വര്ക്കിന്റെ ബില് തുക മാറി നല്കാന് എഞ്ചിനീയര് കൈക്കൂലി ആവശ്യപ്പെട്ട് വാങ്ങിയെന്നാണ് കേസ്. 15 ന് കോടതിയില് ഹാജരാക്കിയ പ്രതിയെ കോടതി 14 ദിവസത്തേക്ക് റിമാന്റ് ചെയ്ത് ജയിലിലടക്കുകയായിരുന്നു
https://www.facebook.com/Malayalivartha
