സി.പി.എം കുടുംബാംഗമായിരുന്ന അനുപമയുടെ കുഞ്ഞിനെ തട്ടിക്കൊണ്ട് പോയി ദത്ത് നല്‍കിയ സംഭവത്തില്‍ മുഖ്യമന്ത്രി പിണറായി വിജയന്‍ മറുപടി പറയണമെന്ന് ഡോ.മേധാ പട്കര്‍. നിയമ നടപടികള്‍ പൂര്‍ത്തിയാക്കാത്ത ചൈല്‍ഡ് വെല്‍ഫെയര്‍ കമ്മിറ്റിക്കെതിരെ നടപടി എടുക്കണമെന്നും അവര്‍ ആവശ്യപ്പെട്ടു.

വനിതാ സംഘടനകളും ഈ വിഷയത്തില്‍ ശക്തമായ നടപടി സ്വീകരിക്കണമെന്നും മേധാപട്കര്‍ പറഞ്ഞു. കെ. റയിലുമായി ബന്ധപ്പെട്ട പ്രതിഷേധ പരിപാടികളില്‍ പ​ങ്കെടുക്കാന്‍ കേരളത്തില്‍ എത്തിയതായിരുന്നു അവര്‍. ഇതിനുമുമ്ബ്​ വാളയാര്‍ പെണ്‍കുട്ടികള്‍ക്ക്​ നീതി ലഭ്യമാക്കണം എന്നാവശ്യപ്പെട്ട്​ കേരളത്തില്‍ നടത്തിയ പദയാത്രയിലും മേധ പട്​കര്‍ പ​ങ്കെടുത്തിരുന്നു.