തരൂരിന് രാജയോഗം... നാലണയ്ക്ക് ഗതിയില്ലാത്ത കോണ്ഗ്രസ് അധ്യക്ഷ പദത്തേക്കാള് നല്ലതാണ് മുഖ്യമന്ത്രിയെന്ന് തിരിച്ചറിഞ്ഞതോടെ ഗലോട്ട് ആഞ്ഞ് കളിച്ചു; സച്ചിന് പൈലറ്റ് പെട്ടുപോയി; സോണിയാ ഗാന്ധി നാണം കെട്ടു; ഗെലോട്ടിനെതിരെ നടപടി ഉണ്ടായാല് പിളര്പ്പ്
നാലണയ്ക്ക് ഗതിയില്ലാത്ത കോണ്ഗ്രസ് അധ്യക്ഷ പദത്തേക്കാള് നല്ലതാണ് മുഖ്യമന്ത്രിയെന്ന് തിരിച്ചറിഞ്ഞതോടെ രാജസ്ഥാനിലെ മുഖ്യമന്ത്രി അശോക് ഗെലോട്ട് കളിച്ചു. ബിജെപിയില് പോകാനിരുന്ന സച്ചിന് പൈലറ്റിന് ഇനി അത് മാത്രമേ ഗതിയുള്ളൂ.
അശോക് ഗെലോട്ട് അട്ടിമറിച്ചതില് എഐസിസി നിരീക്ഷകര് സോണിയ ഗാന്ധിക്ക് ഇന്ന് വിശദ റിപ്പോര്ട്ട് നല്കും. കഴിഞ്ഞ ദിവസം മല്ലികാര്ജ്ജുന് ഖാര്ഗെയും അജയ് മാക്കനും സോണിയയെ കണ്ട് കാര്യങ്ങള് വിശദമായി ധരിപ്പിച്ചിരുന്നു. ഗെലോട്ടിന്റെ അറിവോടെയാണ് കാര്യങ്ങള് നടന്നതെന്നും എംഎല്എമാര്ക്കെതിരെ നടപടി വേണമെന്നും ആവശ്യപ്പെട്ടിരുന്നു. റിപ്പോര്ട്ട് കിട്ടിയ ശേഷമാകും അച്ചടക്ക നടപടിയില് തീരുമാനമുണ്ടാകുക.
കോണ്ഗ്രസ് അധ്യക്ഷസ്ഥാനത്തേക്കുള്ള അശോക് ഗെലോട്ടിന്റെ സാധ്യതകള് മങ്ങിയതോടെ ചര്ച്ചകള് എത്തിനില്ക്കുന്നത് മുതിര്ന്ന നേതാവായ കമല്നാഥിലേക്കാണ്. എന്നാല് മധ്യപ്രദേശ് രാഷ്ട്രീയത്തിലേക്ക് ഒതുങ്ങാന് ആഗ്രഹിച്ച കമല്നാഥിന്റെ പേര് വീണ്ടും അധ്യക്ഷ ചര്ച്ചകളില് നിറയുമ്പോള് മത്സരത്തിനില്ലെന്ന് വ്യക്തമാക്കിയിരിക്കുകയാണ് കമല്നാഥ്. അധ്യക്ഷ സ്ഥാനത്തേക്ക് മത്സരിക്കാനില്ലെന്ന് കമല്നാഥ് വ്യക്തമാക്കി. സോണിയ ഗാന്ധിയെ കമല്നാഥ് നിലപാട് അറിയിച്ചെന്നാണ് സൂചന.
അതേ സമയം ശശി തരൂരിന് സാധ്യതയേറി. കോണ്ഗ്രസ് ദേശീയ അധ്യക്ഷ സ്ഥാനത്തേക്ക് മത്സരിക്കുമെന്ന് ഉറച്ച് ശശി തരൂര് എം പി. രാഹുല് ഗാന്ധിയുമായി രാവിലെ സംസാരിച്ചത് പുറത്ത് പറയാനാവില്ല. മത്സരിക്കരുതെന്ന് രാഹുല് ഗാന്ധി പറഞ്ഞിട്ടില്ലെന്നും ശശി തരൂര് പറഞ്ഞു.
പാര്ട്ടിയെ ശക്തിപ്പെടുത്താന് വേണ്ടിയാണ് അധ്യക്ഷ തെരഞ്ഞെടുപ്പ് നടത്തുന്നത്. ഏതെങ്കിലും ഔദ്യോഗിക സ്ഥാനാര്ത്ഥി ഉള്ളതായി രാഹുല് ഗാന്ധി പറഞ്ഞില്ല. ആര്ക്കും മത്സരിക്കാമെന്ന ഗാന്ധി കുടുംബത്തിന്റെ നിലപാട് സന്തോഷം തരുന്നതാണെന്നും ശശി തരൂര് കൂട്ടിച്ചേര്ത്തു. 30 ന് നാമനിര്ദ്ദേശ പത്രിക സമര്പ്പിക്കുമെന്നും അദ്ദേഹം വ്യക്തമാക്കി. രാജസ്ഥാനില് കോണ്ഗ്രസ് ഭരണം തുടരുമെന്നും പ്രശ്നങ്ങള് എഐസിസി പരിഹരിക്കുമെന്നും ശശി തരൂര് അറിയിച്ചു.
ഹൈക്കമാന്ഡ് തീരുമാനം അശോക് ഗെലോട്ട് അട്ടിമറിച്ചെന്ന് എഐസിസി നിരീക്ഷകരുടെ റിപ്പോര്ട്ട്. അധ്യക്ഷ സ്ഥാനത്തേക്ക് ഇനി അശോക് ഗെലോട്ടിനെ പരിഗണിക്കില്ലെന്ന് ഏതാണ്ടുറപ്പായി. ഗെലോട്ടിന് പകരം ചര്ച്ച കമല് നാഥിലേക്ക് നീങ്ങി. പ്രശ്ന പരിഹാരത്തിനായി സോണിയ ഗാന്ധിയുടെ നേതൃത്വത്തില് ചര്ച്ച തുടങ്ങി.
ഗെലോട്ടിന്റെ തിരക്കഥയായിരുന്നു കഴിഞ്ഞ രാത്രി ജയ്പൂരില് അരങ്ങേറിയതെന്നാണ് മല്ലികാര്ജ്ജുന് ഖര്ഗെയും അജയ് മാക്കനും സോണിയ ഗാന്ധിയെ ധരിപ്പിച്ചത്. ഇരട്ടപദവി വേണ്ടെന്ന പരസ്യ പ്രസ്താവനയിലൂടെ നേതൃത്വത്തെയടക്കം ഗെലോട്ട് തെറ്റിദ്ധരിപ്പിച്ചു. ഹൈക്കമാന്ഡ് വിളിച്ച നിയമസഭാ കക്ഷിയോഗം അട്ടിമറിച്ച് സമാന്തര യോഗത്തിന് പച്ചക്കൊടി കാട്ടി.
സോണിയ ഗാന്ധിയെ അക്ഷരാര്ത്ഥത്തില് ഗെലോട്ട് വെല്ലുവിളിക്കുകയായിരുന്നുവെന്നാണ് നിരീക്ഷകരുടെ വിലയിരുത്തല്. ഇന്ന് കൂടിക്കാഴ്ചക്ക് സന്നദ്ധത അറിയിച്ച ഗെലോട്ടിനെ അജയ് മാക്കന് അവഗണിച്ചത് ഹൈക്കമാന്ഡിന്റെ കടുത്ത പ്രതിഷേധത്തിന്റെ സൂചനയായി.
ഗെലോട്ടിനെ അധ്യക്ഷ സ്ഥാനത്തേക്ക് പരിഗണിക്കരുതെന്ന് പ്രവര്ത്തക സമിതിയംഗങ്ങള്ക്ക് പുറമെ എഐസിസി നിരീക്ഷരും ആവശ്യപ്പെട്ടതായാണ് വിവരം. സമാന്തര യോഗത്തില് പങ്കെടുത്ത എംഎല്എമാര്ക്കെതിരെ നടപടിക്കും റിപ്പോര്ട്ട് ശുപാര്ശ ചെയ്യുന്നു. രാജസ്ഥാനില് നടന്നത് കടുത്ത അച്ചടക്ക ലംഘനമാണെന്ന് അജയ് മാക്കന് മാധ്യമങ്ങള്ക്ക് മുന്പിലും ആവര്ത്തിച്ചു. എന്തായാലും നടപടി വന്നാല് ക്ഷീണം കോണ്ഗ്രസിനാണ്. ഗലോട്ടിനല്ല.
https://www.facebook.com/Malayalivartha
