കണ്ടക്ടറില്ലാതെ ബസ് യാത്ര തുടങ്ങി... ദീര്ഘദൂര യാത്രക്കാര്ക്കായുള്ള എറണാകുളം-തിരുവനന്തപുരം ലോഫ്ലോര് എ.സി. കെ.എസ്.ആര്.ടി.സി. ബസ് ഓടിത്തുടങ്ങി, കണ്ടക്ടറില്ലാത്ത ബസില് ടിക്കറ്റ് കൊടുക്കുന്നത് ഡ്രൈവര്
കണ്ടക്ടറില്ലാതെ ബസ് യാത്ര തുടങ്ങി... ദീര്ഘദൂര യാത്രക്കാര്ക്കായുള്ള എറണാകുളം-തിരുവനന്തപുരം ലോഫ്ലോര് എ.സി. കെ.എസ്.ആര്.ടി.സി. ബസ് ഓടിത്തുടങ്ങി, കണ്ടക്ടറില്ലാത്ത ബസില് ടിക്കറ്റ് കൊടുക്കുന്നത് ഡ്രൈവര്.
ജനശതാബ്ദി ട്രെയിന് മാതൃകയിലാണ് 'എന്ഡ് ടു എന്ഡ്' സര്വീസ്. ഒരു ഭാഗത്തേക്ക് 408 രൂപയാണ് നിരക്ക്. അവധി ദിവസങ്ങളില് ഓട്ടമില്ല.
തിരുവനന്തപുരത്തിനും എറണാകുളത്തിനും ഇടയില് രണ്ടിടങ്ങളില് മാത്രമാണ് സ്റ്റോപ്പ്. കൊല്ലം അയത്തില് ഫീഡര് സ്റ്റേഷനിലും ആലപ്പുഴ കൊമ്മാടി ഫീഡര് സ്റ്റേഷനിലും ആളെ കയറ്റും. ഒരു മിനിറ്റ് മാത്രമാണ് നിര്ത്തുക.
ബസ് സമയം
തിരുവനന്തപുരത്തുനിന്ന് പുറപ്പെടുന്നത്: രാവിലെ 5.10-ന്
എറണാകുളത്ത് എത്തുന്നത്: 9.40
എറണാകുളത്തുനിന്ന് പുറപ്പെടുന്നത്: 5.20
തിരുവനന്തപുരത്ത് എത്തുന്നത്: 9.50
പുഷ്ബാക്ക് സീറ്റുള്ള രണ്ട് ബസുകളാണ് സര്വീസിനായി അനുവദിച്ചിരിക്കുന്നത്. ഞായറാഴ്ച മുതല് ടിക്കറ്റ് ബുക്ക് ചെയ്യാന് കഴിയും. സര്ക്കാര് ഓഫീസുകളിലും മറ്റു സ്ഥാപനങ്ങളിലും പതിവായി പോയി വരുന്നവരുടെ സൗകര്യാര്ഥമാണ് പുതിയ സര്വീസ്.
ഓഫ് ലൈനായും ടിക്കറ്റുകള് ലഭ്യമാക്കും. ബസ് പുറപ്പെടുന്നതിന് അര മണിക്കൂര് മുന്പുവരെ തിരുവനന്തപുരം സെന്ട്രല് ബസ് സ്റ്റേഷന്, കൊല്ലം അയത്തില്, ആലപ്പുഴ കൊമ്മാടി ഫീഡര് സ്റ്റേഷന് എന്നിവിടങ്ങളില്നിന്ന് ടിക്കറ്റെടുക്കാവുന്നതാണ്.
"
https://www.facebook.com/Malayalivartha
