രാജീവ് ഗാന്ധി വധക്കേസില് ശിക്ഷ അനുഭവിക്കുന്ന നളിനി, ആര്.പി. രവിചന്ദ്രന് എന്നിവര് മോചനം ആവശ്യപ്പെട്ട് നല്കിയ ഹര്ജിയില് കേന്ദ്ര സര്ക്കാറിനും തമിഴ്നാട് സര്ക്കാറിനും നോട്ടീസ് അയച്ച് സുപ്രീംകോടതി
രാജീവ് ഗാന്ധി വധക്കേസില് ശിക്ഷ അനുഭവിക്കുന്ന നളിനി, ആര്.പി. രവിചന്ദ്രന് എന്നിവര് മോചനം ആവശ്യപ്പെട്ട് നല്കിയ ഹര്ജിയില് കേന്ദ്ര സര്ക്കാറിനും തമിഴ്നാട് സര്ക്കാറിനും നോട്ടീസ് അയച്ച് സുപ്രീംകോടതി .
മോചിപ്പിക്കാമെന്ന തമിഴ്നാട് സര്ക്കാറിന്റെ ശിപാര്ശയില് ഗവര്ണര് തീരുമാനമെടുക്കാനായി വൈകുന്ന സാഹചര്യത്തില് ഇടപെടണമെന്ന് ആവശ്യപ്പെട്ട് നല്കിയ ഹരജി മദ്രാസ് ഹൈകോടതി തള്ളിയതിനെ തുടര്ന്ന് ഇരുവരും സുപ്രീംകോടതിയെ സമീപിക്കുകയായിരുന്നു.
ജസ്റ്റിസുമാരായ ബി.ആര്. ഗവായ്, ബി.വി. നാഗരത്ന എന്നിവര് ഉള്പ്പെട്ട ബെഞ്ച് കേസ് ഒക്ടോബര് നാലിന് വീണ്ടും പരിഗണിക്കും. രാജീവ് ഗാന്ധിയെ കൊലപ്പെടുത്തിയ കേസില് നളിനി ഉള്പ്പടെയുള്ള പ്രതികളെ 1998ല് പ്രത്യേക ടാഡ കോടതി വധശിക്ഷക്ക് വിധിച്ചു.
കേസ് സുപ്രീംകോടതിയില് എത്തിയതോടെ 19 പേരെ കുറ്റമുക്തരാക്കുകയും നളിനി ഉള്പ്പടെ നാല് പേരുടെ വധശിക്ഷ ശരിവെക്കുകയും ചെയ്തു.
രവിചന്ദ്രന് അടക്കം മൂന്നു പേരെ ജീവപര്യന്തം തടവിനും വിധിച്ചു. പിന്നീടാണ് നളിനിയുടെ വധശിക്ഷ ജീവപര്യന്തം ശിക്ഷയാക്കി കുറച്ചത്.
https://www.facebook.com/Malayalivartha
