പഞ്ചാബിൽ കോടികള്‍ വിലമതിക്കുന്ന ഹെറോയിന്‍ പിടിച്ചെടുത്തു. കോടികള്‍ വിലമതിക്കുന്ന 25 കിലോഗ്രാം ഹെറോയിനാണ് അതിര്‍ത്തി സുരക്ഷാ സേന പിടിച്ചെടുത്തത്. മാത്രമല്ല പഞ്ചാബിലെ ഫാസില്‍ക ജില്ലയിലെ അന്താരാഷ്ട്ര അതിര്‍ത്തിയില്‍ പാകിസ്ഥാനില്‍ നിന്നുള്ള കള്ളക്കടത്തുകാരുമായി നടത്തിയ ഏറ്റുമുട്ടലിലാണ് ബിഎസ്എഫ് ഹെറോയിന്‍ പിടിച്ചെടുത്തത്.

അതേസമയം പ്രദേശത്തെ കനത്ത മൂടല്‍മഞ്ഞ് മുതലെടുത്ത് കള്ളക്കടത്തുകാര്‍ ഓടി രക്ഷപ്പെട്ടുവെന്നും ബിഎസ്എഫ് പറയുന്നു. പഞ്ചാബിലെ ഫാസില്‍ക ജില്ലയിലെ അബോഹര്‍ സെക്ടറില്‍ നിന്നാണ് ഹെറോയിന്‍ കണ്ടെടുത്തതെന്ന് ഇവർ അറിയിച്ചു.

മാത്രമല്ല അതിര്‍ത്തിയില്‍ സംശയാസ്പദമായ നീക്കം ശ്രദ്ധയില്‍പ്പെട്ടതിനെ തുടര്‍ന്ന് ബിഎസ്എഫ് സേന നിരവധി റൗണ്ട് വെടിയുതിര്‍ക്കുകയായിരുന്നെന്നാണ് റിപ്പോർട്ട്. ഇപ്പോഴും ബിഎസ്എഫിന്റെയും പഞ്ചാബ് പോലീസിന്റെയും നേതൃത്വത്തില്‍ പ്രദേശത്ത് ശക്തമായ തിരച്ചില്‍ തുടരുകയാണ്.