കണ്ണൂരിൽ പോക്സോ കേസിൽ മദ്രസ അധ്യാപകന് ശിക്ഷ വിധിച്ച് കോടതി. പോക്സോ കേസ് പ്രകാരം മദ്രസ അധ്യാപകന് 26 വർഷം തടവാണ്‌ കോടതി വിധിച്ചത്. വിദ്യാർത്ഥിനിയെ പീഡനത്തിനിരയാക്കിയ കേസിലാണ് ഉത്തരവ്.

11 വയസുകാരിയായ വിദ്യാർത്ഥിനിയെ മദ്രസ അധ്യാപകൻ പീഡനത്തിന് ഇരയാക്കുകയായിരുന്നു. സംഭവത്തിൽ കണ്ണൂർ, ആലക്കോട് ഉദയഗിരി സ്വദേശി മുഹമ്മദ് റാഫിക്കെതിരെയാണ് ശിക്ഷ വിധിച്ചത്.

അതേസമയം തളിപ്പറമ്പ് പോക്സോ അതിവേഗ കോടതിയുടെതാണ് ഉത്തരവ്. വിവിധ വകുപ്പുകളിലായി 26 വർഷം തടവും 75,000 രൂപ പിഴയുമാണ് ശിക്ഷ. 2018 ലാണ് കേസിനസ്പദമായ സംഭവം നടന്നത്.