തൃശൂരിൽ ബസിൽ നിന്നും വീണ് അപകടം. ഓടുന്ന ബസില്‍ നിന്ന് തെറിച്ച് വീണ് യാത്രക്കാരന് ഗുരുതര പരിക്കേറ്റു. തൃശൂര്‍ ഒല്ലൂരിലാണ് സംഭവം നടന്നത്. സംഭവത്തിൽ പരിക്കേറ്റ അമ്മാടം സ്വദേശി ജോയിയെ തൃശൂര്‍ മെഡിക്കല്‍ കോളേജില്‍ പ്രവേശിപ്പിച്ചു.

അതേസമയം തൃശൂര്‍ എറവക്കാട് റൂട്ടിലോടുന്ന ബ്രദേഴ്സ് ബസില്‍ നിന്നാണ് യാത്രക്കാരന്‍ റോഡിലേക്ക് തെറിച്ച് വീണത്. എന്നാൽ സ്റ്റോപ്പില്‍ നിര്‍ത്തി യാത്രക്കാരനെ കയറ്റിയശേഷം മുന്നോട്ട് എടുക്കുന്നതിനിടെയാണ് ജോയി തെറിച്ച് വീണതെന്നാണ് പറയുന്നത്.

മാത്രമല്ല യാത്രക്കാർ കയറിട്ടും ബസിന്‍റെ ഡോര്‍ അടച്ചിരുന്നില്ല. സംഭവത്തിൽ തൊട്ടടുത്ത പെട്രോള്‍ പമ്പിലെ സിസിടിവിയില്‍ പതിഞ്ഞ അപകട ദൃശ്യവും പുറത്തുവന്നിട്ടുണ്ട്.