വൈദ്യുതാഘാതമേറ്റ് പിടയുന്ന മകനെ രക്ഷിക്കാനായി അച്ഛന് ശ്രമിച്ചെങ്കിലും അച്ഛനും ഷോക്കേറ്റു.... ചാര്ജ് ചെയ്യാന് വച്ചിരുന്ന മൊബൈല് ഫോണ് എടുക്കുന്നതിനിടെ വൈദ്യുതാഘാതമേറ്റ് യുവാവിന് ദാരുണാന്ത്യം...
ചാര്ജ് ചെയ്യാന് വച്ചിരുന്ന മൊബൈല് ഫോണ് എടുക്കുന്നതിനിടെ വൈദ്യുതാഘാതമേറ്റ് യുവാവിന് ദാരുണാന്ത്യം... വൈദ്യുതാഘാതമേറ്റ് പിടയുന്ന മകനെ രക്ഷിക്കാനായി അച്ഛന് ശ്രമിച്ചെങ്കിലും അച്ഛനും ഷോക്കേറ്റു.
പിതാവിനോടൊപ്പം കാലിതൊഴുത്തില് ജോലിചെയ്യുന്നതിനിടെയാണ് ദാരുണ അപകടം നടന്നത്. ചാര്ജ് ചെയ്യാനായി സ്വിച്ച് ബോര്ഡില് കുത്തിയിരുന്ന മൊബൈല് ഫോണ് എടുക്കുന്നതിനിടെ ഷോക്കേല്ക്കുകയായിരുന്നു. ബുധനാഴ്ച വൈകിട്ടോടെയാണ് സംഭവം നടന്നത്.
വിളവൂര്ക്കല് പാവച്ചകുഴി വാര്ഡില് ഈഴക്കോട്, ചെറുമുറി ഷാലോം നിവാസില് ഷാജി, സജിത ദമ്പതികളുടെ മകന് ഷിജിന്. എസ്. എസ് (23) ആണ് മരിച്ചത്. വൈദ്യുതാഘാതമേറ്റ് പിടയുന്ന മകനെ രക്ഷിക്കാനായി പരിസരത്ത് നിന്നും കിട്ടിയ കമ്പുകൊണ്ട് ഫോണിലെ വയര് വേര്പെടുത്താനായി പിതാവ് ശ്രമിച്ചു. ഇതിനിടെ പിതാവ് ഷാജിക്കും വൈദ്യുതാഘാതമേറ്റു. ഷാജിയുടെ നിലവിളികെട്ട് ഓടിക്കൂടിയ അയല്വാസികളാണ് വൈദ്യുതി ബന്ധം വേര്പെടുത്തി അച്ഛനെയും മകനെയും തൊഴുത്തില് നിന്നും മാറ്റിയത്.
ഉടന് തന്നെ ഷിജിനെയും ഷാജിയെയും കട്ടാക്കടയിലെ സ്വകാര്യ ആശുപത്രിയിലെത്തിച്ചുവെങ്കിലും ഷിജിന്റെ ജീവന് രക്ഷിക്കാനായില്ല. വിവരമറിഞ്ഞ് മലയിന്കീഴ് പൊലീസും, വൈദ്യുതി ബോര്ഡ് ഉദ്യോഗസ്ഥരും സംഭവസ്ഥലത്തെത്തി പരിശോധന നടത്തി. അസ്വാഭാവിക മരണത്തിന് പൊലീസ് കേസ് രജിസ്റ്റര് ചെയ്തു.
പ്ലസ് ടു വരെ പഠിച്ചശേഷം ബിന്നസ് ഷിജിന് കാലിവളര്ത്തല് ഉപജീവനമാര്ഗമാക്കിയ പിതാവിന്റെ ഒപ്പം സഹായിയായി പ്രവര്ത്തിച്ചു വരികയായിരുന്നു. സഹോദരി ഷിജി സ്കൂള് വിദ്യാര്ത്ഥി. പരിശോധനകള്ക്ക് ശേഷം കാട്ടാക്കട സ്വകാര്യ ആശുപത്രിയില് നിന്നും പോസ്റ്റ്മാര്ട്ടത്തിനായി മൃതദേഹം തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി. സംസ്കാരം ഇന്ന് ഉച്ചയോടെ വീട്ടുവിളപ്പില് നടക്കും.
"
https://www.facebook.com/Malayalivartha
