മലയോര ജനങ്ങളുടെ ആശങ്ക പരിഹരിക്കാന് ബഫര്സോണ് കരട് ഭൂപടത്തില് ഉള്പ്പെട്ട പ്രദേശങ്ങളുടെ സര്വേ നമ്പരുകള് ഒരാഴ്ചയ്ക്കുള്ളില് വെബ്സൈറ്റില് ലഭ്യമാക്കും.... ജനവാസകേന്ദ്രങ്ങളും നിര്മ്മിതികളും കൃഷിയിടങ്ങളും പൂര്ണമായി ഒഴിവാക്കിയാവും ബഫര്സോണ് എന്നും അതനുസരിച്ചുള്ള ഭൂപടം മാത്രമേ സുപ്രീംകോടതിയില് എത്തിക്കൂവെന്നും മുഖ്യമന്ത്രി
മലയോര ജനങ്ങളുടെ ആശങ്ക പരിഹരിക്കാന് ബഫര്സോണ് കരട് ഭൂപടത്തില് ഉള്പ്പെട്ട പ്രദേശങ്ങളുടെ സര്വേ നമ്പരുകള് ഒരാഴ്ചയ്ക്കുള്ളില് വെബ്സൈറ്റില് ലഭ്യമാക്കും.... ജനവാസകേന്ദ്രങ്ങളും നിര്മ്മിതികളും കൃഷിയിടങ്ങളും പൂര്ണമായി ഒഴിവാക്കിയാവും ബഫര്സോണ് എന്നും അതനുസരിച്ചുള്ള ഭൂപടം മാത്രമേ സുപ്രീംകോടതിയില് എത്തിക്കൂവെന്നും മുഖ്യമന്ത്രി
ജനാഭിപ്രായം അനുസരിച്ച് കരട് ഭൂപടം പരിഷ്കരിക്കും. മലയോരത്തെ 87 പഞ്ചായത്തുകളിലെ പ്രസിഡന്റ്, സെക്രട്ടറി, വില്ലേജ് ഓഫീസര്മാര്, തഹസില്ദാര്മാര്, വനംവകുപ്പ് ഉദ്യോഗസ്ഥര് എന്നിവരുമായി ഇന്നലെ ഓണ്ലൈനില് നടത്തിയ യോഗത്തിനുശേഷമാണ് മുഖ്യമന്ത്രി ഇക്കാര്യം അറിയിച്ചത്.
സുപ്രീംകോടതി ഉത്തരവനുസരിച്ചാണ് ഉപഗ്രഹസര്വേയും ഡ്രോണ് സര്വേയും നടത്തിയത്. ഉപഗ്രഹ സര്വേയില് നിഴലുകളും മറ്റും മൂലം അവ്യക്തതയുണ്ടായിരുന്നു. അത് പരിഹരിക്കാനായാണ് ഫീല്ഡ് സര്വേ നടത്തിയത്.
ഉപഗ്രഹസര്വേയ്ക്കൊപ്പം ഫീല്ഡ് സര്വേയിലെ റിപ്പോര്ട്ടും ജനങ്ങളുടെ ആക്ഷേപങ്ങളും കൂടി സുപ്രീംകോടതിയിലും കേന്ദ്ര എംപവേര്ഡ് കമ്മിറ്റിമുമ്പാകെയും സമര്പ്പിക്കുമെന്നും മുഖ്യമന്ത്രി . ചൊവ്വാഴ്ച നടത്തിയ ഉന്നതതല യോഗത്തിന്റെ തുടര്ച്ചയായാണ് ഇന്നലെ തദ്ദേശസ്ഥാപനങ്ങളുടെ യോഗം നടത്തിയത്.
സര്ക്കാരിന് ബഫര് സോണ് വിഷയത്തില് ഒരുഅവ്യക്തതയും ഇല്ല. വസ്തുതകളും വിവരങ്ങളും മറച്ചുവച്ച് ജനങ്ങളെ പുകമറയില് നിറുത്താനും സര്ക്കാരിനെതിരെ വൈകാരിക പ്രതികരണമുണ്ടാക്കാനുമുള്ള ശ്രമമാണ് നടക്കുന്നത്. അത് ചെറുക്കുമെന്നും മുഖ്യമന്ത്രി പറഞ്ഞു.
അതേസമയം സുപ്രീംകോടതിയില് നല്കുന്ന ഭൂപടം മാത്രമായിരിക്കും അടിസ്ഥാന രേഖ. അതിന്റെ കരട് ഇന്നലെ സര്ക്കാരിന്റെ വെബ് സൈറ്റില് പ്രസിദ്ധീകരിച്ചു. വനംവകുപ്പ് തയ്യാറാക്കിയ ഭൂപടം പൊതുജനങ്ങള്ക്കായി എല്ലാ വാര്ഡിലും പൊതു ഇടങ്ങളില് പ്രദര്ശിപ്പിക്കും. ഇതില് വരുന്ന സര്വേ നമ്പരുകളാണ് ഒരാഴ്ചയ്ക്കുള്ളില് വെബ്സൈറ്റിലിടുന്നത്. അതില് ഏതെങ്കിലും ജനവാസകേന്ദ്രം ഉള്പ്പെട്ടിട്ടുണ്ടെങ്കില് രേഖപ്പെടുത്താന് സമയം നല്കും. അധിക വിവരങ്ങള് രേഖപ്പെടുത്താന് ജനുവരി ഏഴുവരെ സമയമുണ്ട്.
ജനങ്ങളുടെ പരാതി കണ്ടെത്താന് തദ്ദേശ സ്ഥാപനങ്ങളില് വാര്ഡ് തലത്തില് ഹെല്പ് ഡെസ്ക്ക് രൂപീകരിച്ചു.പുതുക്കിയ ഭൂപടം തദ്ദേശ സ്ഥാപനത്തിലെ സര്വകക്ഷി സമിതി പരിശോധിക്കും. ഇതിന്റെ കൂടി അടിസ്ഥാനത്തില് വീണ്ടും അന്തിമ കരട് റിപ്പോര്ട്ട് തയ്യാറാക്കുകയും ചെയ്യും.
" f
https://www.facebook.com/Malayalivartha
