കോവളത്ത് ബൈക്ക് റേസിങ്ങിനിടെ വഴിയാത്രക്കാരിയായ വീട്ടമ്മ ഇടിച്ച് തെറിപ്പിച്ചു.... ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല, യുവാവിനും പരുക്ക്.

കോവളത്ത് റേസിങ് ബൈക്ക് ഇടിച്ച് വീട്ടമ്മ മരിച്ചു. വാഴമുട്ടം സ്വദേശി സന്ധ്യ (55) ആണ് ദാരുണമായി മരിച്ചത്. ബൈക്ക് റേസിങ്ങിനിടെ വഴിയാത്രക്കാരിയായ വീട്ടമ്മയെ ഇടിച്ചു തെറിപ്പിക്കുകയായിരുന്നു. മൃതദേഹം മെഡിക്കല്‍ കോളജ് ആശുപത്രിയിലേക്ക് മാറ്റി.

ബൈക്ക് ഓടിച്ചിരുന്ന പൊട്ടക്കുഴി സ്വദേശി അരവിന്ദനും ഗുരുതരമായി പരിക്കേറ്റു. ഇന്ന് രാവിലെ എട്ടിനായിരുന്നു അപകടം. ബൈക്ക് റേസിംഗിനായി നിരവധി യുവാക്കള്‍ സ്ഥലത്ത് എത്തിയിരുന്നതായി നാട്ടുകാര്‍.