സംസ്ഥാനത്ത് നൂറില് കൂടുതല് ആളുകള് പങ്കെടുക്കുന്ന പരിപാടികള്ക്ക് ഫീസ് ഏര്പ്പെടുത്തി സര്ക്കാര്.... പൊതുപരിപാടികള്, വിവാഹങ്ങള്, യോഗങ്ങള് എന്നിവ നടത്തണമെങ്കില് മാലിന്യ സംസ്കരണത്തിനുള്ള ഫീസ് അടയ്ക്കണം, പരിപാടിക്ക് മൂന്നു ദിവസം മുമ്പ് കാര്യവിവരം ബന്ധപ്പെട്ട തദ്ദേശ സ്ഥാപനങ്ങളെ അറിയിക്കണം
സംസ്ഥാനത്ത് നൂറില് കൂടുതല് ആളുകള് പങ്കെടുക്കുന്ന പരിപാടികള്ക്ക് ഫീസ് ഏര്പ്പെടുത്തി സര്ക്കാര്.... പൊതുപരിപാടികള്, വിവാഹങ്ങള്, യോഗങ്ങള് എന്നിവ നടത്തണമെങ്കില് മാലിന്യ സംസ്കരണത്തിനുള്ള ഫീസ് അടയ്ക്കണം, പരിപാടിക്ക് മൂന്നു ദിവസം മുമ്പ് കാര്യവിവരം ബന്ധപ്പെട്ട തദ്ദേശ സ്ഥാപനങ്ങളെ അറിയിക്കണം
ഫീസ് നിരക്ക് തദ്ദേശ സ്ഥാപനം തീരുമാനിക്കും. തദ്ദേശ സ്ഥാപനം ചുമതലപ്പെടുത്തിയ ഏജന്സി മാലിന്യം ശേഖരിക്കും. ഇത് മാലിന്യസംസ്കരണ കേന്ദ്രങ്ങളിലെത്തിച്ച് കമ്പോസ്റ്റാക്കും.
വലിയ മാലിന്യ ഉല്പാദകരുടെ നിയമലംഘനം പിടികൂടാന് ഈമാസം പരിശോധന നടത്തും. ഓഡിറ്റോറിയങ്ങള്, ആശുപത്രികള്, വ്യാപാര സമുച്ചയങ്ങള് എന്നിവിടങ്ങളിലാവും പരിശോധന.
പന്നി ഫാമിന്റെ മറവില് മാലിന്യം പൊതുസ്ഥലത്ത് തള്ളുന്നവര്ക്കെതിരെ നടപടി. മാലിന്യത്തില് നിന്നു സമ്പത്ത് എന്ന ആശയത്തില് സ്വകാര്യ പങ്കാളിത്തതോടെ വ്യവസായ വകുപ്പുമായി സഹകരിച്ച് പ്രത്യേക പരിപാടി. 1000 കോടിരൂപ ഒരുവര്ഷം സ്വരൂപിക്കലാണ് ലക്ഷ്യമിടുന്നത്.
അതേസമയം ജൈവമാലിന്യം വീടുകളിലുള്പ്പെടെ ഉറവിടത്തില് സംസ്കരിക്കുകയും അജൈവമാലിന്യം ഹരിത കര്മ്മസേനയ്ക്ക് കൈമാറുന്നത് നിര്ബന്ധമാക്കുകയും ചെയ്യും. ജൈവമാലിന്യം അവിടെത്തന്നെ സംസ്കരിച്ച് കമ്പോസ്റ്റാക്കാന് എല്ലാവീട്ടിലും കിച്ചണ് ബിന് നല്കും.
നവംബറിന് ശേഷം മാലിന്യം പൊതുസ്ഥലത്തും ജലാശയങ്ങളിലും തള്ളിയാല് പിഴ ചുമത്തും.അജൈവ മാലിന്യങ്ങള് തരംതിരിക്കാന് എല്ലാ വാര്ഡുകളിലും നവംബറിനകം ചെറു സംഭരണ കേന്ദ്രങ്ങള് ഒരുക്കും. നഗരങ്ങളിലെ പ്രധാന റോഡുകളില് 500 മീറ്റര് ഇടവിട്ട് ബിന്നുകള് വയ്ക്കും. അങ്കണവാടികള് ഒഴികെ സര്ക്കാര്, സ്വകാര്യ സ്ഥാപനങ്ങളിലും സ്കൂളുകളിലും ബിന്നുകള് വച്ച് സംഭരണം ഉറപ്പാക്കുമെന്ന് മന്ത്രി എം.ബി.രാജേഷ് വാര്ത്താസമ്മേളനത്തില് പറഞ്ഞു.പ്ലാസ്റ്റിക്ക് ഉള്പ്പെടെ അജൈവമാലിന്യങ്ങള് യൂസര് ഫീ നല്കി ഹരിതകര്മ്മ സേനയ്ക്ക് കൈമാറണം.
തദ്ദേശസ്ഥാപനം ശേഖരിക്കുന്ന അജൈവ മാലിന്യം അതതു ദിവസം സംഭരണ കേന്ദ്രങ്ങളില് എത്തിക്കാന് വാഹനസൗകര്യം ഉറപ്പാക്കും. ഇതില് വൃത്തിയുള്ളവ ക്ലീന് കേരള കമ്പനി വഴി റീസൈക്കിളിംഗ് ഏജന്സികള്ക്ക് വില്ക്കും. മറ്റുള്ളവ റോഡ് നിര്മ്മാണത്തിന് ഉള്പ്പെടെ ഉപയോഗിക്കും.
"
https://www.facebook.com/Malayalivartha
