കരുവന്നൂര് സഹകരണ ബാങ്ക് തട്ടിപ്പിന്റെ പശ്ചാത്തലത്തില് അര്ബന് സഹകരണ ബാങ്കുകളുടെ ഇടപാടുകള് പരിശോധിക്കാനൊരുങ്ങി ആര്ബിഐ
കരുവന്നൂര് സഹകരണ ബാങ്ക് തട്ടിപ്പിന്റെ പശ്ചാത്തലത്തില് അര്ബന് സഹകരണ ബാങ്കുകളുടെ ഇടപാടുകള് പരിശോധിക്കാനൊരുങ്ങി ആര്ബിഐ.
കേരളത്തിലെ അര്ബന് സഹകരണ ബാങ്ക് പ്രതിനിധികളുടെ അടിയന്തര യോഗം ഇന്ന് കൊച്ചിയില് ചേരും. ഇഡി റിപ്പോര്ട്ട് അനുസരിച്ച് കള്ളപ്പണ ഇടപാടുകളുണ്ടെന്ന് സംശയിക്കുന്ന പ്രാഥമിക സഹകരണ ബാങ്കുകളുമായി അര്ബന് ബാങ്കുകള്ക്ക് ബന്ധമുണ്ടോയെന്നാണ് പരിശോധിക്കുന്നത്.
കരുവന്നൂര് സഹകരണ ബാങ്കുമായി രണ്ട് അര്ബന് ബാങ്കുകള്ക്ക് സാമ്പത്തിക ഇടപാടുണ്ടായിരുന്നുവെന്ന് കണ്ടെത്തിയതിന്റെ പശ്ചാത്തലത്തില് കൂടിയാണ് യോഗം ചേരുന്നത്.
അതേസമയം, കരുവന്നൂര് കള്ളപ്പണ കേസില് സഹകരണ സൊസൈറ്റി റജിസ്ട്രാര് ടി വി സുഭാഷ് ഐഎഎസിനെ ഇന്ന് ഇ ഡി ചോദ്യം ചെയ്യും. ചൊവ്വാഴ്ച ഹാജരാകാന് നിര്ദ്ദേശിച്ചിരുന്നെങ്കിലും ടി വി സുഭാഷ് അസൗകര്യം അറിയിച്ചിട്ടുണ്ടായിരുന്നു. കരുവന്നൂര് തട്ടിപ്പ് സഹകരണ വകുപ്പിലെ ഉന്നത ഉദ്യോഗസ്ഥര് അറിയാതെ നടക്കില്ലെന്നാണ് ഇ ഡിയുടെ നിഗമനം.
"
https://www.facebook.com/Malayalivartha
