നിയമസഭ പാസാക്കിയ ബില്ലുകൾ ഒപ്പിടാതെ ഗവർണർ... ! ഗവർണർക്കെതിരെ സുപ്രീം കോടതിയിലേക്ക് കുതിക്കാൻ സർക്കാർ ...! വീണ്ടും ഗവർണർ സർക്കാർ പോര് മുറുകുമ്പോൾ എന്തും നേരിടാൻ കച്ച കെട്ടി തന്നെ അതായത് രണ്ടും കൽപ്പിച്ച് തന്നെ ഗവർണർ നിൽക്കുകയാണ്.

അതിനിടിയിൽ രണ്ടു ബില്ലുകൾ കൂടെ നിയമസഭ പാസാക്കിയിരുന്നു. ഡെയറി ഫാർമേഴ്സ് വെൽഫയർ ഫണ്ട് ഭേദഗതി ബിൽ, ശ്രീപദ്മനാഭ സ്വാമി ക്ഷേത്രത്തിന്റെ ആന്വിറ്റി ഒരു ലക്ഷം രൂപ കൂട്ടാനുള്ള ബിൽ എന്നിവ രാജ്ഭവനിലെത്തിച്ചു.

ഗുജറാത്തിലെ ആനന്ദ് മാതൃകയിൽ ക്ഷീരസംഘങ്ങളുടെ ഭരണസമിതിയിൽ സർക്കാരിന് നാമനിർദ്ദേശം അനുവദിക്കാനുള്ള ബില്ലിൽ വിശദപരിശോധന വേണമെന്നാണ് ഗവർണറുടെ നിലപാട്. മുംബൈയിലേക്ക് പോയ ഗവർണർ 2ന് വൈകിട്ട് തിരിച്ചെത്തിയ ശേഷമായിരിക്കും ഇവ പരിശോധിക്കുക.

ബില്ലുകളിൽ ഒപ്പിടാത്തതിന് തനിക്കെതിരെ സർക്കാർ സുപ്രീം കോടതിയെ സമീപിച്ചാൽ ഭരണഘടനാപരമായ പരിരക്ഷ ചൂണ്ടിക്കാട്ടി കേസിനെ നേരിടാൻ ഗവർണർ തയ്യാറെടുക്കുകയാണ് . ഗവർണർ ഉന്നയിക്കുന്ന പ്രധാന വാദം , നിയമ, ഭരണഘടനാവിരുദ്ധവും സർക്കാരിന് ദുരുദ്ദേശ്യങ്ങളുള്ളതുമായ ബില്ലുകളാണ് തടഞ്ഞുവയ്ക്കുന്നതെന്നാണ്.