ദൗത്യസംഘം വൻകിട കയ്യേറ്റക്കാരെ ഒഴിപ്പിക്കാൻ എത്തുകയാണ്. എന്നാൽ ഇതിനിടയിൽ മറ്റൊരു നിർണായക വിവരം പുറത്ത് വരികയാണ്. മൂന്നാറിൽ ദൗത്യസംഘം ഒഴിപ്പിക്കേണ്ട വൻകിട കയ്യേറ്റക്കാരിൽ എംഎം മണിയുടെ സഹോദരൻ എംഎം ലംബോധരന്റെ കയ്യേറ്റവും ഉണ്ടെന്ന വിവരമാണ് പുറത്ത് വരുന്നത് . മൂന്നാർ ഒഴിപ്പിക്കലിനായി മലകയറുന്ന ദൗത്യസംഘം എത്തുമ്പോൾ എം എം മണിയുടെ സഹോദരൻ ലംബോധരന്‍റെ കയ്യേറ്റം ഒഴിപ്പിക്കുമോയെന്നാണ് ഏവരും ഉറ്റുനോക്കുന്നത് .

ലംബോധരൻ അഡ്വഞ്ചർ പാർക്ക് നിർമ്മിച്ചിരിക്കുന്നത് സർക്കാർ ഭൂമി കയ്യേറി എന്നാണ് വിവരം പുറത്ത് വരുന്നത്. റിസോർട്ടുകൾക്കു കൂടാതെ , വാട്ടർ തീം പാർക്കുകൾ സർക്കാർ ഭൂമി കയ്യേറി വൻകിടക്കാൻ ഇവിടെ നിർമിച്ചിരിക്കുന്നുവെന്നും വിവരം പുറത്ത് വരുന്നുണ്ട്. . എല്ലാ ചട്ടങ്ങളുംലംഘിച്ചാണ് നിർമ്മാണം നടത്തിയിരിക്കുന്നത് . മൂന്നാർ- അടിമാലി റൂട്ടിലെ ഇരുട്ടുകാനത്തുള്ള ദേശീയ പാതയോട് ചേർന്നൊരു ടൂറിസം സംരംഭം നിലവിൽ ഉണ്ട്. സ‌ഞ്ചാരികളെ ആകർഷിക്കുന്ന ഹൈറേഞ്ച് സിപ് ലൈൻ ആണിത് .

അഞ്ഞൂറ് രൂപ നിരക്കിൽ ദേശീയ പാതയോരത്തെ കുന്നിൻ മുകളിൽ നിന്ന് എതിർവശത്തെ കുന്നിൻ ചെരുവിലേക്ക് കല്ലാർ പുഴയുടെ മുകളിലൂടെ സിപ് ലൈനിൽ തൂങ്ങിയിറങ്ങാം. ഈ സംരംഭത്തെപ്പറ്റി റവന്യൂ വകുപ്പ് സർക്കാരിലേക്ക് നൽകിയ റിപ്പോ‍ർട്ടിൽ നിയമവിരുദ്ധ പ്രവർത്തനങ്ങൾ കാണാവുന്നതാണ്, എന്തൊക്കെയാണ് ആ റിപ്പോ‍ർട്ടിൽ ചൂണ്ടിക്കാണിച്ചിരിക്കുന്ന നിയമവിരുദ്ധ പ്രവർത്തനങ്ങൾ എന്ന് നോക്കാം
നിർമാണം നടത്തിയിരിക്കുന്നത്, ദേശീയ പാതയുടെ ഉടമസ്ഥതയിലുളള പുറമ്പോക്കിലും ആനവിരട്ടി വില്ലേജിലും ഉൾപ്പെടുന്ന സ‍ർക്കാർ ഭൂമിയിലാണ് .

റവന്യൂ വകുപ്പിന്‍റെ എൻ ഒ സി പദ്ധതിക്കായി വാങ്ങിയിട്ടില്ല. റവന്യൂ വകുപ്പിന്റെ റിപ്പോർട്ടിൽ പറയുന്നത്, അങ്ങനെയൊന്നിന്‍റെ ആവശ്യമില്ലെന്ന് ലംബോധരൻ പറഞ്ഞെന്നാണ് . ഭൂപതിവ് ചട്ടങ്ങളുടെയും പട്ടയ വ്യവസ്ഥകളുടെയും ലംഘനമാണ് പട്ടയഭൂമിയുടെ മുകളിൽക്കൂടിയുളള നി‍ർമാണം എന്നും റിപ്പോർട്ടിൽ ആരോപിക്കുന്നു.