കണ്ണീര്ക്കാഴ്ചയായി.... തൃശൂരില് നടത്തറ പഞ്ചായത്തിലെ കൈനൂര് ചിറയില് കുളിക്കാനിറങ്ങിയ നാല് വിദ്യാര്ത്ഥികള് മുങ്ങിമരിച്ചു....
കണ്ണീര്ക്കാഴ്ചയായി.... തൃശൂരില് നടത്തറ പഞ്ചായത്തിലെ കൈനൂര് ചിറയില് കുളിക്കാനിറങ്ങിയ നാല് വിദ്യാര്ത്ഥികള് മുങ്ങിമരിച്ചു.... തൃശൂര് സെന്റ് തോമസ് കോളേജിലെ ഒന്നാം വര്ഷ ബി.ബി.എ വിദ്യാര്ത്ഥികളായ തൃശ്ശൂര് പൂങ്കുന്നം ക്യാപ്പിറ്റല് ഗാലക്സിയില് സിയാദ് ഹുസൈന് (19), വടൂക്കര തോട്ടുമ്പുറത്ത് വീട്ടില് ടി.എ. നിവേദ് കൃഷ്ണ (18), കുറ്റൂര് ചാമക്കാട് ഹെവന്ലി വില്ല വിലങ്ങാടന് വീട്ടില് അബിജോണ് (18), തൃശ്ശൂര് സെന്റ് അലോഷ്യസ് കോളേജ് ഡിഗ്രി വിദ്യാര്ത്ഥി അര്ജ്ജുന് അലോഷ്യസ് (18) എന്നിവരാണ് മരിച്ചത്.
ഇന്നലെ ഉച്ചയ്ക്ക് രണ്ടു മണിയോടെയാണ് നാലു ബൈക്കുകളിലായി സഹപാഠികളോടൊപ്പം ഇവര് കുളിക്കാനെത്തിയത്. നീന്തല് വശമില്ലാതിരുന്ന വിദ്യാര്ത്ഥികള് ഇരുപതടിയോളം താഴ്ചയുള്ള കയത്തില് പെട്ടുപോയി.
പീച്ചി ഡാമില് നിന്ന് കൃഷിയാവശ്യത്തിന് വെള്ളം ശേഖരിക്കുന്ന കൈനൂര് ചിറയിലേക്കുള്ള ഒഴുക്കിലാണ് പെട്ടത്. ഇവിടെയുള്ള ചെക്ക്ഡാമില് നിന്ന് കരകവിഞ്ഞൊഴുകുന്ന ജലത്തിന് ഒഴുക്ക് കുറവാണെങ്കിലും ചെളിയും കല്ലുമുള്ള കയത്തില് താണതാണ് മരണകാരണമെന്ന് ഫയര്ഫോഴ്സ് ഉദ്യോഗസ്ഥര്.
സ്ഥലത്തുണ്ടായിരുന്ന വിദ്യാര്ത്ഥികളാണ് ഫയര് ഫോഴ്സിനെ വിവരമറിയിച്ചത്. പൊലീസും തൃശ്ശൂര് ഫയര്ഫോഴ്സിലെ സ്കൂബ സംഘവുമെത്തിയാണ് അര മണിക്കൂറിന് ശേഷം മൃതദേഹങ്ങള് പുറത്തെടുത്തത്.സ ംഭവ സ്ഥലത്ത് നിന്ന് അര കിലോമീറ്റര് അകലെ താമസിക്കുന്ന റിട്ടയേര്ഡ് ഫയര്ഫോഴ്സ് ഉദ്യോഗസ്ഥന് കെ.എസ്. ശശി ഉടന് സ്ഥലത്തെത്തി മൂന്ന് മൃതദേഹങ്ങള് പുറത്തെത്തിച്ചതായി നാട്ടുകാര് .
അപകടസൂചന നല്കുന്ന ബോര്ഡ് പഞ്ചായത്ത് പ്രദര്ശിപ്പിച്ചിട്ടുള്ളത് കാട്ടുചെടികള് മൂലം മറഞ്ഞിരിക്കുകയാണ്. മൃതദേഹങ്ങള് ജില്ലാ ആശുപത്രിയിലേക്ക് മാറ്റി.
https://www.facebook.com/Malayalivartha
