കൊച്ചിയില്‍ നടി ആക്രമിക്കപ്പെട്ട കേസില്‍ പ്രതികളുടെ ശിക്ഷാവിധി പ്രഖ്യാപിച്ചതിന് പിന്നാലെ പ്രതികരണവുമായി താരസംഘടനയായ എഎംഎംഎ പ്രസിഡന്റ് ശ്വേത മേനോന്‍. വിധി വരാന്‍ കാത്തിരിക്കുകയായിരുന്നുവെന്നും അതുകൊണ്ടാണ് പ്രതികരിക്കാന്‍ വൈകിയതെന്നുമാണ് പ്രസിഡന്റ് ശ്വേത മേനോന്‍ പറഞ്ഞത്. എഎംഎംഎ അതിജീവിതയ്‌ക്കൊപ്പമാണെന്നും അപ്പീല്‍ പോകണമെന്നാണ് തന്റെ വ്യക്തിപരമായ അഭിപ്രായമെന്നും ശ്വേത മേനോന്‍ പ്രതികരിച്ചു.

പ്രതികള്‍ക്ക് ലഭിച്ച ശിക്ഷ പോരാ എന്നും ദിലീപിനെ തിരിച്ചെടുക്കുന്ന കാര്യത്തില്‍ അമ്മയില്‍ ഒരു ചര്‍ച്ചയും നടന്നിട്ടില്ലെന്നും ശ്വേത വ്യക്തമാക്കി. അമ്മ പ്രതികരിക്കാന്‍ വൈകിയെന്ന ബാബുരാജിന്റെ വിമര്‍ശനത്തെ പറ്റിയുള്ള ചോദ്യത്തിന്, അത് ബാബുരാജിന്റെ മാത്രം അഭിപ്രായമാണെന്നും സംഘടനാകാര്യങ്ങള്‍ അറിയാത്തയാളല്ല ബാബുരാജ് എന്നും ശ്വേത പറഞ്ഞു.