നിർദേശങ്ങൾ അണികൾ പാലിക്കുന്നുണ്ടെന്ന് ഉറപ്പുവരുത്തേണ്ടത് പാർട്ടി നേതാക്കളുടെ ഉത്തരവാദിത്വം... തിരഞ്ഞെടുപ്പ് വിജയാഹ്ലാദപ്രകടനങ്ങൾ അതിരുവിട്ടാൽ പണികിട്ടുമെന്ന മുന്നറിയിപ്പുമായി പോലീസ്. ആഹ്ലാദപ്രകടനങ്ങൾ നടത്തുന്നതിനുള്ള നിർദേശങ്ങൾ പോലീസ് പുറത്തിറക്കി. കുട്ടികളെ വിജയാഹ്ലാദ പ്രകടനങ്ങളിൽ പങ്കെടുപ്പിക്കരുതെന്നും പോലീസ് നിർദേശിച്ചിട്ടുണ്ട്.

വോട്ടെണ്ണൽ ദിവസത്തെ വിജയാഹ്ലാദപ്രകടനവുമായി ബന്ധപ്പെട്ട കാര്യങ്ങൾ ചർച്ചചെയ്യാൻ മലപ്പുറം ഡിവൈഎസ്പി കെ.എം. ബിജുവിന്റെ അധ്യക്ഷതയിൽ യോഗംചേർന്നു.ആഹ്ലാദപ്രകടനം മറ്റുള്ളവർക്ക് ബുദ്ധിമുട്ടാവത്ത രൂപത്തിലും നിയമം പാലിച്ചും നടത്തണമെന്ന് യോഗത്തിൽ ഡിവൈഎസ്പി ആവശ്യപ്പെട്ടു.വിജയാഹ്ലാദപ്രകടനങ്ങൾ ബന്ധപ്പെട്ട സ്റ്റേഷൻഹൗസ് ഓഫീസറെ മുൻകൂട്ടി അറിയിക്കേണ്ടതാണ്. നിയമം ലംഘിക്കുന്നവർക്കെതിരേ കർശന നടപടി സ്വീകരിക്കുമെന്നും ഡിവൈഎസ്പി .
ശനിയാഴ്ച വൈകീട്ട് ആറുവരെ മാത്രമേ വിജയാഹ്ലാദപ്രകടനങ്ങൾ നടത്തുന്നതിന് അനുമതിയുള്ളൂ. നിശ്ചിത സമയപരിധിക്കുശേഷം കാണുന്ന അനൗൺസ്മെന്റ് വാഹനങ്ങൾ ഉൾപ്പെടെയുള്ളവയും വാദ്യോപകരണങ്ങളും പിടിച്ചെടുത്ത് നിയമ നടപടി സ്വീകരിക്കുന്നതാണ്.