തിരുവനന്തപുരം മാനസികാരോഗ്യകേന്ദ്രത്തിലെ ആന്ധ്രാക്കാരനായ അന്തേവാസി വെങ്കിടേശപ്പ മരിക്കാനിടയായ സംഭവത്തില്‍ ആശുപത്രി സൂപ്രണ്ട്‌ ഡോ. സുനില്‍ കുമാറിനെ സ്ഥലം മാറ്റി. ആശുപത്രി ജീവനക്കാരെ നിയന്ത്രിക്കുന്നതില്‍ ആശുപത്രി സൂപ്രണ്ട്‌ പരാജയപ്പെട്ടു എന്നായിരുന്നു വിലയിരുത്തല്‍. എന്നാല്‍ സൂപ്രണ്ടിന്റെ സ്ഥലം മാറ്റം സ്ഥാനക്കയറ്റത്തോടെ. അഡീഷണല്‍ ഡിഎംഒ ആയാണ്‌ സ്ഥാനക്കയറ്റം. ഇത്‌ ബഹുമതിയാണോ ശിക്ഷണ നടപടിയാണോ എന്നാണ്‌ സംശയം. സത്‌നാംസിംഗിന്റെ മരണത്തോടെ ശ്രദ്ധാകേന്ദ്രമായിരുന്നു മാനസികാരോഗ്യ കേന്ദ്രം. അന്ന്‌ ജീവനക്കാര്‍ക്കെതിരെ നടപടി എടുത്തിരുന്നു എങ്കിലും സൂപ്രണ്ടിനെ തൊട്ടില്ല. തുടര്‍ച്ചയായ രണ്ട്‌ മരണം വലിയ ജനരോക്ഷത്തിന്‌ കാരണമാക്കിയിരുന്നു.