ജീവിതാവസാനം വരെ കൂടെ ഉണ്ടാകുമെന്ന് പറഞ്ഞ് എതിർപ്പുകളെല്ലാം അവഗണിച്ച് കെവിൻ നീനുവിന്റെ കൈ പിടിക്കുമ്പോഴും അവരറിഞ്ഞിരുന്നില്ല ആ ദാമ്പത്യത്തിനു ആയുസ് കുറവാണെന്ന്. ”എനിക്ക് ഒന്നും ഓര്‍ക്കാന്‍ പറ്റുന്നില്ല. എന്റെ കെവീ…” എന്നുപറഞ്ഞ് നീനു കരഞ്ഞുവീഴുമ്പോള്‍ കെവിന്റെ അച്ഛന്‍ ജോസഫ് താങ്ങിയെടുത്തു.

എ​നി​ക്ക്​ കെ​വി​നെ തി​രി​ച്ചു​ത​ന്നാ​ൽ മ​തി​യെ​ന്ന്​ നീ​നു. പ്ര​ണ​യ വി​വാ​ഹ​ത്തെ തു​ട​ർ​ന്ന്​ ക്വട്ടേ​ഷ​ൻ സം​ഘം ത​ട്ടി​ക്കൊ​ണ്ടു​പോ​യ കെ​വി​ൻ കൊ​ല്ല​പ്പെ​ട്ട​ത​റി​ഞ്ഞ്​ ബോ​ധ​ര​ഹി​ത​യാ​യ​തി​നെ തു​ട​ർ​ന്ന്​ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ മൂ​ന്നാം വാ​ർ​ഡി​ൽ ചി​കി​ത്സ​യി​ലാ​യി​രു​ന്നു ഇ​വ​ർ. എ​നി​ക്ക്​ കെ​വി​നെ തി​രി​ച്ചു​ത​ന്നാ​ൽ മ​തി​യെ​ന്നു പ​റ​ഞ്ഞ്​ ഭ​ർ​ത്തൃ​പി​താ​വ്​ ജോ​സ​ഫി​നെ കെ​ട്ടി​പ്പി​ടി​ച്ച്​ ക​ര​ഞ്ഞ നീ​നു ക​ണ്ടു​നി​ന്ന​വ​രെ​യും ഇൗ​റ​ന​ണി​യി​ച്ചു.

പ്ര​ഥ​മ​ശു​​ശ്രൂ​ഷ​ക്ക്​ ശേ​ഷം രാ​ത്രി​യോ​ടെ ആ​ശു​പ​ത്രി വി​ട്ട ഇ​വ​ർ​ ന​ട്ടാ​ശേ​രി​യി​ലു​ള്ള ഭ​ർ​ത്തൃ​ഗൃ​ഹ​ത്തി​ലേ​ക്ക് പോ​യി. താ​നും കെ​വി​നും പ്ര​ണ​യ​ത്തി​ലാ​യി​രു​ന്നു​വെ​ന്നും വ്യ​ത്യ​സ്ത ജാ​തി​യി​ൽ​പെ​ട്ട​തും കെ​വി​​ന്റെ മോ​ശ​മാ​യ സാ​മ്പ​ത്തി​ക സാ​ഹ​ച​ര്യ​വു​മാ​ണ്​ വീ​ട്ടു​കാ​ർ എ​തി​ർ​ക്കാ​ൻ കാ​ര​ണ​മെ​ന്നും നീ​നു പ​റ​ഞ്ഞു.

വീ​ട്ടു​കാ​രു​ടെ എ​തി​ർ​പ്പ്​ അ​വ​ഗ​ണി​ച്ചാ​ണ്​ ഒ​ന്നി​ച്ചു​ജീ​വി​ക്കാ​ൻ തീ​രു​മാ​നി​ച്ച​ത്. വി​ദേ​ശ​ത്താ​യി​രു​ന്ന ഒ​രു സ​ഹോ​ദ​ര​​ന്റെ നേ​തൃ​ത്വ​ത്തി​ലാ​ണ്​ കെ​വി​നെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ​തെ​ന്ന്​ ഇ​പ്പോ​ഴും വി​ശ്വ​സി​ക്കു​ന്നു. വീ​ട്ടു​കാ​രെ എ​തി​ർ​ത്ത്​ താ​ൻ ഇ​ഷ്​​ട​പ്പെ​ട്ട യു​വാ​വി​നൊ​പ്പം ജീ​വി​ക്കാ​ൻ വീ​ട്ടു​കാ​ർ അ​നു​വ​ദി​ച്ചി​ല്ലെ​ന്ന വി​തു​മ്പ​ലോ​ടെ​യാ​ണ്​ നീ​നു കാ​ര്യ​ങ്ങ​ൾ വി​വ​രി​ച്ച​ത്.