ആന്ധ്രയിലെ സ്വകാര്യ സ്റ്റീൽ മില്ലിൽ വിഷവാതകം ചോർന്ന്​ ആറ് ജീവനക്കാർ മരിച്ചു. ​ അനന്ദപുരം ജില്ലയിൽ സ്ഥിതി ചെയ്യുന്ന സ്റ്റീൽ മിൽ റോളിങ്​ യൂണിറ്റിലാണ്​ദുരന്തമുണ്ടായത്​. മില്ലിലെ അറ്റകുറ്റപണികൾക്ക്​​ ശേഷം പരിശോധന നടത്തവേയാണ്​ വാതകച്ചോർച്ചയുണ്ടായതെന്ന്​ ജില്ലാ എസ്​.പി ജി അശോക്​ കുമാർ പറഞ്ഞു​.മില്ലിലെ റീഹീറ്റിങ് പ്രവർത്തനത്തിനായി ഉപയോഗിക്കുന്ന അപകടകാരിയായ കാർബൺ മോണോക്​സൈഡ്​ ചോർന്നാണ്​​ അത്യാഹിതമുണ്ടായത്​. രണ്ടു പേർ സംഭവ സ്ഥലത്തും ശേഷിക്കുന്നവർ ആശുപത്രിയിൽ വെച്ചുമാണ്​ മരിച്ചത്​. അതീവ ഗുരുതരാവസ്ഥയിലുള്ള ചിലർ ചികിത്സയിലാണ്​​.തദിപത്രിയിലുള്ള സ്റ്റീൽ മിൽ ബ്രസീലിയൻ കമ്പനിയായ ഗെർദാവുവിന്റെ ഉടമസ്ഥതയിലുള്ളതാണ്​.