ഓടിക്കൊണ്ടിരുന്ന ട്രെയിനില്‍ തൂങ്ങികിടന്ന് സാഹസം കാണിച്ച യുവാവ് തെറിച്ചു വീഴുന്ന ഞെട്ടിക്കുന്ന ദൃശ്യങ്ങള്‍ പുറത്ത്. ബംഗളുരുവിനു സമീപമാണ് സംഭവം നടന്നത്. ബോഗിയിലെ ജനല്‍ കമ്പികളിൽ ഇദ്ദേഹം തൂങ്ങികിടന്ന് യാത്രചെയ്യുന്നതാണ് വീഡിയോയില്‍ വ്യക്തമാകുന്നത്. അല്‍പ്പസമയത്തിന് ശേഷം ഇയാള്‍ കൈവഴുതി തെറിച്ചു വീഴുകയും ചെയ്തു.

ട്രെയിനിലെ മറ്റ് യാത്രികരാണ് ഈ ദൃശ്യങ്ങള്‍ പകര്‍ത്തിയത്. ഇയാളെ കുറിച്ച് കൂടുതല്‍ വിവരങ്ങളൊന്നും ലഭ്യമല്ല. വെള്ളിയാഴ്ചയാണ് സംഭവം നടന്നതെന്ന് ഫേസ്ബുക്ക് പോസ്റ്റില്‍ പറയുന്നുണ്ട്. ഇത്തരത്തില്‍ യാത്ര ചെയ്യുന്നതിന്‍റെ അപകടത്തെ കുറിച്ചും അതേ സമയം ഇത് കണ്ട് നില്‍ക്കുക മാത്രം ചെയ്ത യാത്രക്കാരെ കുറിച്ചുമാണ് സോഷ്യല്‍ മീഡിയയില്‍ ചര്‍ച്ച. വീഡിയോ പകര്‍ത്തുന്നതിന് പകരംം അപായചങ്ങല വലിച്ച് ട്രെയിന്‍ നിര്‍ത്താന്‍ ആരും തയ്യാറായില്ലെന്നാണ് വിമര്‍ശനം.