ശിശുക്ഷേമ സൂചികയില് ഒന്നാം സ്ഥാനം കേരളത്തിന്... ആരോഗ്യ, പോഷകാഹാര, വിദ്യാഭ്യാസ സൗകര്യങ്ങളിലെ മികച്ച പ്രകടനമാണ് കേരളത്തെ ഒന്നാം സ്ഥാനത്തെത്തിച്ചത്
എന്ജിഒ വേള്ഡ് വിഷന് ഇന്ത്യയും ഐഎഫ്എംആര് ലെഡും തയ്യാറാക്കിയ ശിശുക്ഷേമ സൂചികയില് രാജ്യത്ത് ഒന്നാം സ്ഥാനത്ത് നില്ക്കുന്നത് കേരളമാണ്. കേരളത്തിന് ലഭിച്ചത് .76 മാര്ക്കാണ്. തൊട്ടുപിന്നില് തമിഴ്നാടും ഹിമാചല് പ്രദേശുമാണ്. പട്ടികയില് ഏറ്റവും പുറകില് മധ്യപ്രദേശും ജാര്ഖണ്ഡുമാണ്. ആരോഗ്യ, പോഷകാഹാര, വിദ്യാഭ്യാസ സൗകര്യങ്ങളിലെ മികച്ച പ്രകടനമാണ് കേരളത്തെ ഒന്നാം സ്ഥാനത്തെത്തിച്ചത്.
സംസ്ഥാനങ്ങളിലേയും കേന്ദ്ര ഭരണ പ്രദേശങ്ങളിലേയും പ്രകടനം വിലയിരുത്തുകയും ശിശുക്ഷേമത്തില് മാര്ക്ക് തയ്യാറാക്കുകയും ചെയ്തു. പോഷകാഹാരക്കുറവിനെ മറികടക്കാനും ആരോഗ്യകരമായ ചുറ്റുപാടും ശുദ്ധജലവും ശൗചാലയങ്ങളും കുട്ടികള്ക്ക് ഉറപ്പുവരുത്താന് കേരളത്തിന് കഴിഞ്ഞെന്നും ഇവയെല്ലാം മികച്ച രീതിയില് പ്രവര്ത്തിക്കുന്നുണ്ടെന്നും റിപ്പോര്ട്ടില് പറയുന്നു.
ആരോഗ്യകരമായ വ്യക്തിത്വ വികസനം, പോസിറ്റീവ് ബന്ധങ്ങള്, സംരക്ഷണ സാഹചര്യങ്ങള് എന്നിവയിലൂടെയുള്ള ശിശുക്ഷേമമാണ് എന്ജിഒകള് പഠന വിധേയമാക്കിയത്.
https://www.facebook.com/Malayalivartha
