വീണ്ടും വെടിപ്പൊട്ടിച്ച് വസ്വീം റിസ്വി; രാജ്യത്ത് ജനസംഖ്യ നിയന്ത്രിക്കാനുള്ള നിയമം കൊണ്ടുവരുന്നതിന് പരിപൂര്ണ്ണ പിന്തുണയുമായി ഷിയ വഖഫ് ബോര്ഡ് മേധാവി വസ്വീം റിസ്വി
രാജ്യത്ത് ജനസംഖ്യ നിയന്ത്രിക്കാനുള്ള നിയമം കൊണ്ടുവരുന്നതിന് പരിപൂര്ണ്ണ പിന്തുണയുമായി ഷിയ വഖഫ് ബോര്ഡ് മേധാവി വസ്വീം റിസ്വി. മൃഗങ്ങളെ പോലെ കുട്ടികളെ ഉത്പാദിപ്പിക്കുന്നത് സമൂഹത്തിനും രാജ്യത്തിനും ഗുണകരമല്ലെന്ന് അദ്ദേഹം മാദ്ധ്യമങ്ങളോട് പറഞ്ഞു.
കുട്ടികള്ക്ക് ജന്മം നല്കുക എന്നതൊരു പ്രകൃതി നിയമമാണ് അതില് മറ്റുള്ളവര് ഇടപെടരുതെന്നാണ് ഒരു കൂട്ടം ആളുകള് വിശ്വസിക്കുന്നത്.എന്നാല് മൃഗങ്ങളെ പോലെ കുട്ടികളെ പെറ്റു പെരുക്കുന്നത് രാജ്യത്തിന് ഗുണകരമല്ല. ജനസംഖ്യാ നയന്ത്രണത്തിന് ഒരു നിയമം വരുകയാണെങ്കില് അത് രാജ്യത്തിന് എന്തുകൊണ്ടും നല്ലതായിരിക്കുമെന്നും വസ്വീം റിസ്വി പറഞ്ഞു. രാജ്യത്തെ ജനസംഖ്യാപെരുപ്പം തടയുന്നതിനായി നിയമം കൊണ്ടുവരണമെന്ന് പല നേതാക്കളും ആഹ്വാനം ചെയ്തിരുന്നു. ഇതിന് പിന്നാലെയാണ് ഇതുമായി ബന്ധപ്പെട്ട പരാമര്ശവുമായി വസ്വീം റിസ്വി രംഗത്തെത്തിയത്. ജനസംഖ്യാ നിയന്ത്രണത്തിലൂടെ രാജ്യം നേരിടുന്ന തൊഴിലില്ലാഴ്മ, നിരക്ഷത,തുടങ്ങിയ പ്രശ്നങ്ങള്ക്ക് ശ്വാശ്വത പരിഹാരമാവുമെന്ന് പല നേതാക്കളും അഭിപ്രായപ്പെട്ടിരുന്നു.
എന്ആര്സി രാജ്യ രാജ്യം മുഴുവന് നടപ്പാക്കണമെന്ന് യുപി ഷിയ സെന്ട്രല് ബോര്ഡ് ചെയര്മാന് വസീം റിസ്വി. രാജ്യത്തെ മുസ്ലീങ്ങളെ എന്ആര്സി ബാധിക്കില്ലെന്നും റിസ്വി പറഞ്ഞു.മുസ്ലീം വോട്ടുകള് ലക്ഷ്യം വെച്ചാണ് പ്രതിപക്ഷ പാര്ട്ടികള് പ്രതിഷേധം നടത്തുന്നതെന്നും റിസ്വി പറഞ്ഞു. യു.പിയില് സമാജ്വാദിയും പ്രതിപക്ഷ പാര്ട്ടികളും പശ്ചിമ ബംഗാളിലെ സര്ക്കാരുമെല്ലാം എന്ആര്സിക്കെതിരെ രംഗത്തെത്തിയത് മുസ്ലീം വോട്ടുകളില് കണ്ണുവെച്ചാണ്. നുഴഞ്ഞ് കയറ്റക്കാരാണ് ഇവരുടെ വോട്ട് ബാങ്ക്, വസീം പറഞ്ഞു.വിവാദ വിഷയങ്ങളില് പലപ്പോഴും മുസ്ലീം സംഘടനകളില് നിന്നും ഭിന്നമായ നിലപാട് സ്വീകരിക്കുന്ന വ്യക്തിയാണ് വസിം റിസ്വി.
https://www.facebook.com/Malayalivartha