കൊറോണ വൈറസ് ബാധയെപ്പറ്റിയുള്ള സംശയ നിവാരണത്തിനായി ലോകാരോഗ്യ സംഘടനയിലെ ഡോക്ടര്‍മാരായ ടെഡ്രോസ്, മരിയ വാന്‍ കെര്‍ഖോവ് ‌എന്നിവരുമായി പ്രിയങ്ക ഇന്‍സ്റ്റഗ്രാം ടി.വി. ലൈവിലൂടെ സംസാരിക്കുന്ന വീഡിയോ ആണിപ്പോൾ സമൂഹ മാധ്യമങ്ങളിൽ വൈറലാകുന്നത്. തന്റെ ഇന്‍സ്റ്റഗ്രാം അക്കൗണ്ടിലൂടെയാണ് താരം പങ്കുവച്ച വീഡിയോ ആണ് തരംഗമാകുന്നത്. ആരാധകര്‍ അയച്ച ചോദ്യങ്ങളും പൊതുവെ ജനങ്ങള്‍ക്കിടയില്‍ ഈ അസുഖവുമായി സംബദ്ധിച്ചുള്ള ആശങ്കകളും നടി ഡോക്ടര്‍മാരുമായി ചര്‍ച്ചചെയ്തിരുന്നു. പ്രിയങ്ക കഴിഞ്ഞ കുറച്ച് ആഴ്ചകളായി ഭര്‍ത്താവും പോപ് ഗായകനുമായ നിക്ക് ജോനാസിനൊപ്പം ന്യൂയോര്‍ക്കില്‍ ക്വാറന്റൈനില്‍ കഴിയുകയാണ്.

കൊറോണയുമായി ബന്ധപ്പെട്ടുള്ള സംശയങ്ങൾക്ക് ഡോക്ടർമാർ ക്യത്യമായ മറുപടി നൽകി . ലോകാരോഗ്യ സംഘടനയിലും ഗ്ലോബല്‍ സിറ്റിസണിലും പ്രവര്‍ത്തിക്കുന്ന ചില സുഹൃത്തുക്കളാണ് കൊറോണയ്ക്കെതിരെയുള്ള പ്രവര്‍ത്തനങ്ങളില്‍ മുന്നില്‍ നില്‍കുന്ന ഡോക്ടറുമാരുമായി തനിക്ക് ഇങ്ങനെയൊരു ആശയവിനിമയത്തിന് അവസരമൊരുക്കിയതെന്നും എല്ലാവരും ഈ വീഡിയോ കാണണമെന്നും പ്രിയങ്ക ഇൻസ്റ്റാ​ഗ്രാമിൽ കുറിച്ചു.

ക്വാറന്റീൻ രസകരമായ അനുഭവമാണ്. നമ്മുടെ ജീവിതങ്ങളെല്ലാം കീഴ്മേൽ മറിഞ്ഞ ദിവസങ്ങളാണിത്. ഇത് സിനിമയല്ല, ജീവിതമാണ്. വളരെ തിരക്കുള്ള ഷെഡ്യൂളുകൾ ഉള്ളവരായിരുന്നു ഞങ്ങൾ. എല്ലാം പെട്ടെന്ന് ഇല്ലാതായി. പെട്ടെന്നാണ് എല്ലാം എല്ലാം മാറിമറിഞ്ഞത്. ഒരുപക്ഷേ നിങ്ങൾ എല്ലാവർക്കും അങ്ങനെ തന്നെയായിരക്കും'', പ്രിയങ്ക തന്റെ വിഡിയോയിൽ പങ്കുവെച്ചു.